05:26, 31 - تامىز 2016 | GMT +5
جاپونيادا تايفۋن سالدارىنان 7 مىڭعا جۋىق ادام كوشىرىلەدى
استانا. قازاقپارات - «لايونروك» تايفۋنىنىڭ جاقىنداپ قالۋىنا بايلانىستى جاپونيانىڭ سولتۇستىك- باتىسىنداعى 7 مىڭعا جۋىق حالىق قاۋىپسىز جەرگە كوشىرىلۋى ءتيىس، دەپ جازدى بەلتا اگەنتتىگى.
تابيعي اپاتتىڭ كەسىرىنەن اوموري پرەفەكتۋراسىنداعى 2170 ۇيدە تۇراتىن 5070 ادامعا قاۋىپ ءتونىپ تۇر جانە مياگي 1887 ادامدى كوشىرۋ مىندەتى تۇر.
قاتتى جەل (35-50 مەتر/سەكۋند)، تەڭىز داۋىلى جانە جاڭبىرمەن سيپاتتالاتىن «لايونروك» تايفۋنى حوككايدو ارالىنداعى اۋە قاتىناسى مەن تەمىر جول كولىگى جۇمىستارىن بۇزىپ ۇلگەردى. ارالدى جاپونيانىڭ باسقا بولىگىمەن جالعاپ تۇرعان 100 اۋە رەيسى توقتاتىلىپ، ونداعان جۇردەك پويىزداردىڭ قوزعالىسى توقتادى.
