استانادا «كوشپەندىلەر ايقاسى-7» م م ا تۋرنيرى كورەرمەنگە ناعىز شوۋ سىيلاماق - فوتو
بۇل م م ا ارالاس جەكپە-جەكتەن 4 ءى قازاقستان چەمپيوناتى مەن «كوشپەندىلەر ايقاسى-7» كاسىپقويلار تۋرنيرى. اسىعا كۇتكەن ايتۋلى دودا بارىسىندا كورەرمەندەر قازاقستاندىق ەڭ ۇزدىك جاۋىنگەرلەردىڭ ونەرىن «حابار» ارناسىنىڭ تىكەلەي ەفيرىنەن تاماشالاي الادى.
ۇيىمداستىرۋشىلاردىڭ ايتۋىنشا، وسى جولعى چەمپيوناتتىڭ بۇرىنعىدان باستى ەرەكشەلىگى - جەكپە-جەككە جەرگىلىكتى چەمپيوندار قاتىسىپ، شەتەلدىكتەردى شاقىرۋ يدەياسىنان باس تارتىلعان. وسىعان وراي، استانادا قازاقستاننىڭ تانىمال جەكپە-جەك كلۋبتارىنىڭ وكىلدەرى ءوزارا كەزدەسەتىن بولادى. ال «كوشپەندىلەر ايقاسى-7» تۋرنيرىنىڭ باستى تارتىسى «Kazakhstan MMA TOP TEAM» كومانداسىنان شاۆكات راحمونوۆ پەن «Alash Pride» كلۋبىنان ءادىل بورانبايەۆتىڭ جەكپە-جەگى بولماق.
«ءبىز الاڭعا بارلىق قازاقستاندىق كلۋب وكىلدەرىنىڭ كىل كۇشتىلەرىن شىعارعالى وتىرمىز. ال 7 ءى كوشپەندىلەر ايقاسى م م ا قولداۋى اياسىندا وتەدى. بۇل م م ا بويىنشا قازاقستاننىڭ ارالاس جەكپە-جەگىنىڭ ءتورتىنشى چەمپيوناتى. جەكپە-جەك ونەرىنىڭ ءدال وسى ءتۇرى ەلىمىزدە قارقىندى تۇردە دامىپ كەلەدى»، - دەدى قازاقستان م م ا فەدەراتسياسىنىڭ پرەزيدەنتى اناتولي كيم.
ايتا كەتەرلىگى، بۇگىن تۋرنيرگە قاتىسۋشىلار سالماق ولشەسىپ، بەتپە-بەت جۇزدەسىپ، قول الىستى.
ەسكە سالا كەتەيىك، م م ا ارالاس جەكپە-جەكتەن قازاقستان چەمپيوناتىنىڭ فينالى مەن «Battle of Nomads-7» حالىقارالىق كاسىپقويلار تۋرنيرى 30- ساۋىردە ساعات 16.00 دە «بارىس-ارەنادا» وتەدى.
