استانادا تۇرعىن ءۇيدىڭ بىرىندە تەرەزەدەگى جارىقتاردان «7 - مامىر» جازۋى قۇرالدى - فوتو
دەپ حابارلايدى ق ر قورعانىس مينيسترلىگىنىڭ باسپا ءسوز قىزمەتى.
بارشانى كەلە جاتقان مەيراممەن قۇتتىقتاعان ەلىمىزدىڭ ەڭ كىشكەنتاي ازاماتتارى، ق ر قارۋلى كۇشتەرى اسكەري قىزمەتشىلەرىنىڭ بالالارى العاشقىلاردىڭ ءبىرى بولدى. وتان قورعاۋشىلار كۇنى قارساڭىندا ولار ەرەكشە اكسيا وتكىزدى. ەلوردامىزدىڭ تۇرعىن ءۇي كەشەندەرىنىڭ بىرىندە بالالار كەرەمەت قۇتتىقتاۋ ۇيىمداستىردى.
كەشكى قاراڭعىدا ءزاۋلىم ۇيلەردىڭ بىرىندە جارىقتارى جانعان تەرەزەلەردەن «7 - مامىر» جازۋى پايدا بولدى. «وسىناۋ فلەشموبتى وتكىزۋ يدەياسى كەنەتتەن تۋىندادى، - دەيدى ۇيىمداستىرۋشىلار. ءبىز ايرىقشا جولمەن قۇتتىقتايىق دەپ شەشتىك. سول ءۇشىن وسىنداي تەرەزەدەن تۇسكەن جارىقپەن نازاردى اۋدارتقىمىز كەلدى».
ۇيىمداستىرۋشىلاردىڭ پىكىرىنشە، اكتسيا پاتريوتتىق سەزىمدى، سەرىكتىك رۋح پەن بىرلىكتى بىلدىرۋگە ىقپال ەتىپ، بارشا قازاقستاندىقتاردى مۇنداي اكسيالاردى ءوز ۇيلەرىندە وتكىزۋگە، وتان قورعاۋشىلارىمىزعا ايرىقشا سىيلىق جاساۋعا شاقىرادى.
