قازاقستاندىقتار گولوۆكين ۋەيدتى 7-راۋندتا جەڭەدى دەپ بولجاپ وتىر
تەك 2 ادام ۋەيد جەڭىسكە جەتەدى دەپ توپشىلاعان.
«قازاقستاندىقتاردىڭ كوبى گولوۆكين ۋەيدتى 7-راۋندتا (257 ادام)، 5-راۋندتا (218) جانە 6-راۋندتا (193) جەڭەدى دەپ بولجاعان. 8-راۋندقا 182 ادام، 4-راۋندقا 125 ادام داۋىس بەرگەن ەكەن. سونداي-اق، 9-راۋند (109) پەن 3-راۋندتا (103) جەڭەدى دەيتىندەر دە بار. ەڭ تومەنگى كورسەتكىش 11 (22) جانە 12-راۋندتاردا (14). تەك 2 ادام امەريكالىق بوكسشى ۋەيد جەڭىسكە جەتەتىنىنە سەنىمدى»، - دەپ حابارلايدى «قازاقستان» ر ت ر ك باسپا ءسوز قىزمەتى.
ەستەرىڭىزگە سالا كەتەيىك، 15- ساۋىردە كورپوراتسيا گولوۆكين- ۋەيد جەكپە-جەگىن ءدال بولجاعان ادامعا سمارتفون سىيعا بەرەتىنىن جاريالاعان ەدى. سول ۋاقىتتان بەرى تارتىستى دوداعا 1300-دەن استام ازامات بولجام جاساپ ۇلگەرىپتى.
23- ءساۋىر كۇنى (استانا ۋاقىتىمەن 24- ءساۋىر) WBA (Super) ، IBO، WBC Interim جانە IBF تۇجىرىمدارى بويىنشا ورتا سالماقتاعى الەم چەمپيونى، قازاقستاندىق گەننادي گولوۆكين (34-0, 31 ك و) امەريكالىق بوكسشى دومينيك ۋەيدكە (18-0, 12 ك و) قارسى جەكپە-جەك وتكىزەدى.
«قازاقستان» ۇلتتىق ارناسى مەن zkaztrk.k سايتى كەزدەسۋدى 24- ءساۋىر كۇنى 07:20 دان باستاپ تىكەلەي ەفيردە كورسەتەدى.
«وسىعان وراي، كورەرمەندەر اراسىندا بايقاۋ جاريالانعان بولاتىن. ونىڭ شارتى بويىنشا قاتىسۋشىلار جەكپە-جەكتىڭ ناتيجەسىن، ياعني كىمنىڭ، قالاي جانە قاشان جەڭىسكە جەتەتىنىن دۇرىس ءارى ناقتى بولجاۋى كەرەك ەدى. كورەرمەندەر مەن جانكۇيەرلەر بەلسەندى قاتىسىپ، ءوز جاۋاپتارىن جىبەرىپ جاتىر»، - دەپ تولىقتىردى باسپا ءسوز قىزمەتى.
