جالقاۋلىقتى جەڭۋدىڭ 7 جولى

استانا. قازاقپارات - جالقاۋلىق - يسلام زاڭدارى مەن قۇندىلىقتارىنا قايشى كەمشىلىكتەردىڭ ءبىرى. جانە كۇللى ادام بالاسىنىڭ بويىنداعى ءبىر نەگىزگى كەمشىلىك.

سول كۇللى ادام بالاسىنىڭ بولمىسىنداءجيى كەزدەسىپ جاتاتىن بۇنداي جامان ادەتتەن قۇتىلۋدىڭ جەتى جولىن ۇسىنىلادى. «كەرەك تاستىڭ اۋىرلىعى جوق» دەگەن، وقي كەتىڭىز، بالكىم قاجەتىڭىزگە جاراپ قالار...
1. جالقاۋلىقتى جەڭۋ ءۇشىن ەشتەڭە ىستەمەۋ كەرەك.

شىنىمەن، كەز- كەلگەن بولمەنىڭ ورتاسىنا تۇرىڭىز دا، ەشقانداي ارەكەت جاساماڭىز: وقىماڭىز، جاتپاڭىز، ەشكىمدى تىڭداماڭىز، ويلانباڭىز، تاماق جەمەڭىز. 15 مينۋتقا تولماي جاتىپ ءبىر ءىستى باستاۋعا قۇلشىنىسىڭىز ويانىپ كەتەدى.

2. قويشى، بۇل 5 اق مينۋتتىڭ شارۋاسى.

جالقاۋلىققا بوي الدىرماش ءۇشىن بەس مينۋتتىق شارۋادان باستاڭىز، بۇل - ۇزاق جانە جۇمىسقا تولى كۇن كۇتىپ تۇر دەگەن ويعا قاراعاندا الدە قايدا جەڭىل باستاما.

3. ماڭىزدى جۇمىستى بىرنەشە بولىككە ءبولىپ تاستاڭىز.

 ۇلكەن شارۋانىڭ ناتيجەسىنە جەتۋ مۇمكىن ەمەس. الدىعا قويىلعان مىندەتتەردى بىرەنەشە بولىككە ءبولىپ، بىرىنەن كەيىن ءبىرىن ورىنداي باستاڭىز.

4. ۇساق - تۇيەككە جول جوق!

ايتەۋىر ءبىر شارۋانىڭ باسىن باستادىم دەپ، بولماشى ىستەرمەن اينالىسپاۋ. تاماق ءىشۋ، ىدىس جۋۋ، دۇكەنگە بارىپ كەلۋ، پوشتانى تەكسەرۋ، جاڭالىق كورۋ، دوستارىڭىزدىڭ بلوگتارىن وقۋ... بۇل ارەكەتتەر ماڭىزدى شارۋانى ورىنداۋدا كوڭىلدى بولەتىنى ايدان انىق. باسقا بوس ۋاقىتتا دا اينالىسۋعا دا بولادى.

5. تاڭەرتەننەن باستاڭىز.

قازىرگى زاماندا ەكى ءتۇرلى ادامداردى بايقاۋعا بولادى. كۇندىز - جۇمىس ىستەپ، تۇندە - تىنىعىپ، ۇيىقتايتىندار جانە كۇندىز - ۇيىقتاپ، تۇندە - تىرشىلىگىن جاسايتىندار. كوپتەگەن الەمنىڭ ميللياردەرلەرى مەن كاسىپورىن باسشىلارى جۇمىستارىن ەرتە باستايدى. ەرتە تۇرعان ايەلدىڭ ءبىر ءىسى ارتىق، ەرتە تۇرعان ەركەكتىڭ ىرىسى ارتىق.

6. ءوزىڭىزدىڭ جۇمىسىڭىزدى باعالاي ءبىلىڭىز.

كەز- كەلگەن ەڭبەك باعالانۋعا لايىقتى، سوندىقتان ءوزىمىزدى ۋاقىتىلى باعالاپ تۇرۋ كەرەك. ءبىر ءىستى تولىق تىڭدىرىپ بولعاننان كەيىن ۇناتاتىن دامدىلەرمەن ءشاي ءىشىپ، قىدىرىپ نەمەسە بەس مينۋت تىڭىعىپ الۋعا رۇقسات بەرۋ.

7. ەرتەڭگى كۇنگە ەشتەڭە قالدىرماۋ!

 ەرتەڭ -  اپتانىڭ ەڭ اۋىر كۇنى. ءبىز كۇندەلىكتى ءىسىمىزدى ەرتەڭگى كۇنگە قالدىرىپ وتىرامىز. ومىرىڭىزدە سەرپىلىس جاساپ، جاڭا باعىتتا دامىعىڭىز كەلسە، ءىسىڭىزدى ءدال قازىر جاساڭىز. ۋاقىت تىم كەش بولعان كۇننىڭ وزىندە ءىستىڭ باسىن باستاپ قويىڭىز، ويتكەنى باستالعان ءىستى كەلەسى كۇنى جالعاستىرىپ كەتۋ وڭايىراق.

جەتىستىككە جەتە ءبىلىڭىز! جەتىستىككە جەتۋ جولىڭدا جالقاۋلىق سىزگە بوگەت بولماسىڭ.