گرەكيا اۋەجايلارى نارازىلىق شاراسى سالدارىنان 7 -ساۋىردە جابىق بولادى

استانا. قازاقپارات - گرەكيادا 7 -ساۋىردە ۇشاقتار ۇشپايدى - ازاماتتىق اۆياتسيا قىزمەتكەرلەرى 24 ساعاتتىق نارازىلىق شاراسىن جاريالادى.

گرەكيا اۋەجايلارى جۇمىس ىستەمەيدى، Aegean Airlines جانە Olympic Air گرەكيالىق اۋە كومپانيالارى ونداعان رەيستى ۇشىرمايتىن بولدى، دەپ حابارلادى ريا نوۆوستي.

ازاماتتىق اۆياتسيا قىزمەتكەرلەرىنىڭ فەدەراتسياسى (OSYPA) مەملەكەتتىك سەكتورداعى ADEDY كاسىبي وداقتارىنىڭ «الەۋمەتتىك قامتۋ جۇيەسىن جويۋعا قاتىستى» نارازىلىعىنا قوسىلدى.

ازاماتتىق اۆياتسيا قىزمەتكەرلەرى تاعى ءبىر تالاپ قويدى - گرەكيالىق مەملەكەتتىك اۋەجايلاردى جاپپاي ساتۋعا جول جوق، دەلىنگەن فەدەراتسيا مالىمدەمەسىندە. گرەكيا بيلىگى 14 اۋەجايدى ساتىپ جاتىر. ولاردى نەمىس كومپانيالارى ساتىپ الماق.

اۆياديسپەتچەرلەردىڭ جانە ازاماتتىق اۆياتسيا قىزمەتكەرلەرىنىڭ نارازىلىق شاراسى 7 -ساۋىردە ساعات 00:01 دە باستالىپ، تۇنگە دەيىن جالعاسادى.