جىل سايىن جەر بەتىندە 7 ميلليون گەكتار تابيعي ورمان جويىلادى - ب ۇ ۇ
50 ميلليون گەكتار ورمان القابى ورتتەن زارداپ شەگەدى. ب ۇ ۇ- نىڭ باس حاتشىسى پان گي مۋن حالىقارالىق ورمان كۇنى قارساڭىندا وسىلاي مالىمدەدى.
«تۇرمىستا، اۋىل شارۋاشىلىعىندا، ونەركاسىپتە پايدالانىلاتىن تۇششى سۋدىڭ تورتتەن ءۇشى ورمانداعى سۋ كوزدەرىنە تيەسىلى»، - دەدى پان گي مۋن.
ب ۇ ۇ جەتەكشىسى بوگوتا، دۋربان، دجاكارتا، مادريد، نيۋ-يورك، ريو-دە-جانەيرو جانە باسقا دا ءىرى قالالار اۋىز سۋدىڭ باسىم بولىگىن ورماندى القاپتاردان الادى.
«جەر بەتىندەگى ادام سانىنىڭ ءوسۋى جانە سۋعا دەگەن سۇرانىستىڭ كۇرت ارتۋى ورمانداردى سۋ كوزدەرى رەتىندە قورعاۋ قاجەتتىلىگى تۋادى. 2025-جىلى 1,8 ميلليارد ادام سۋ تاپشى اۋدانداردا ءومىر سۇرەدى. جالپى العاندا الەمنىڭ ۇشتەن ەكىسى سۋ جەتىسپەۋشىلىگىنىڭ زاردابىن شەگەدى»، - دەپ اتاپ ءوتتى پان گي مۋن.
ورمانداردى قورعاۋ ءۇشىن ب ۇ ۇ- نىڭ فاو ۇيىمى جاڭا باعدارلاما جاساپ شىقتى. ول سۋ ساپاسىن جانە ونى جەتكىزۋ جولدارىن جاقسارتۋعا باعىتتالعان.
وسى باعدارلامانى افريكانىڭ باتىسىنداعى سەگىز ەلىندە ىسكە اسىرۋ قولعا الىنادى. ولار: گامبيا، گۆينەيا، گۆينەيا-بيساۋ، مالي، ماۆريتانيا، نيگەريا، سەنەگال، سەررا-لەون.
