11:04, 31 - قاڭتار 2016 | GMT +5
ىستامبۇلدا ايگىلى سۋرەتشىنىڭ كارتيناسىن 7 ميلليون دوللارعا ساتپاق بولعان ۇرىلار ۇستالدى
استانا. قازاقپارات - كونتراباندامەن كۇرەس جونىندەگى تۇرىك باسقارماسىنىڭ قىزمەتكەرلەرى ىستامبۇلدا پابلو پيكاسسونىڭ پولوتنوسىن ساتپاق بولعان حالىقارالىق قىلمىستىق توپتىڭ مۇشەلەرىن ۇستادى، دەپ حابارلادى «پەتەربۋرگسكي دنەۆنيك» باسىلىمى Anadolu اگەنتتىگىنە سىلتەمە جاساپ.
1940 -جىلى جازىلعان «شاشىن تاراپ تۇرعان جالاڭاش ايەل» كارتيناسى نيۋ-يوركتەگى كوللەكسيونەردىڭ ۇيىنەن ۇرلانعان بولاتىن.
پوليتسيا قىزمەتكەرلەرى ساتىپ الۋشىلار بولىپ كونترابانداشىلارمەن بايلانىسقا كىردى. قاسكويلەر اۋەلى 8 ميلليون دوللار سۇراپ، كەيىنىرەك 1 ميلليون دوللار جەڭىلدىك جاساۋعا كەلىستى جانە ءدامحانالاردىڭ بىرىندە كەزدەسۋ بەلگىلەدى، ولار اقشانى بەرۋ ۇستىندە قولعا ءتۇستى.
قازىرگى كەزدە تەرگەۋ ءجۇرىپ جاتىر، سوت الدىنداعى تەكسەرۋ امالدارى باستالدى.
پيكاسسو الەمدەگى ەڭ قىمبات سۋرەتشىلەردىڭ ءبىرى، ونىڭ شىعارمالارى كونترابانداشىلار اراسىندا دا زور قىزىعۋشىلىق تۋدىرۋدا.
