14:25, 22 - جەلتوقسان 2015 | GMT +5
قىتايدا دارىگەرلەر ناۋقاستىڭ توقتاعان جۇرەگىن 7 ساعاتتان سوڭ قايتا ءتىرىلتتى
استانا. قازاقپارات - قىتاي دارىگەرلەرى توقتاعان جۇرەكتى 7 ساعاتتان سوڭ قايتا سوقتىردى. بۇدان بۇرىن جۇرەكتىڭ توقتاعانىنا 6 ساعات وتسە، ونى قايتا ءتىرىلتۋ مۇمكىن ەمەس دەپ سانالاتىن.
فۋجوۋ كلينيكالارىنىڭ بىرىندە جۇرەك اۋىستىرۋدى قاجەت ەتكەن 24 جاستاعى ەر ادام جاتقان. سايكەس كەلەتىن دونور ءۇش ساعاتتىق جەردەن جەتكىزىلۋى ءتيىس، دارىگەرلەر ونىڭ ميىنىڭ ولگەنىن انىقتادى، الايدا جۇرەگىن جاساندى جۇمىس ىستەتۋدى جالعاستىرا بەرگەن.
دونور جۇرەك جەتكىزىلىپ، ونى ناۋقاسقا كوشىرىپ سالادى. ءبىراق جۇرەك بىردەن جۇمىس ىستەپ كەتپەيدى. ترانسپلانتاتسيا جۇرگىزگەننەن كەيىن ەكى ساعاتتان سوڭ جانە دونور دەنەدەن العاننان كەيىن 7 ساعاتتان سوڭ عانا جۇرەك سوعا باستاعان.
جەتى ساعاتتان ارتىق توقتاعان جۇرەكتى قايتا سوقتىرۋ - وتە سيرەك كەزدەسەتىن جايت. دونور جاس، جۇرەگى ساۋ، كۇشتى بولعاندىقتان، وتا ءساتتى ءوتتى. ناۋقاس قازىر ءوزىن جاقسى سەزىنەدى، ونىڭ دەنساۋلىعىنا ەش قاۋىپ جوق، دەپ حابارلاۋدا شەتەلدىك ب ا ق.
