17:03, 28 - تامىز 2015 | GMT +5
الماتىلىقتار ءدامحانا باسشىلىعىنان 7 ميلليون تەڭگە كولەمىندە وتەماقى تالاپ ەتۋدە
الماتى. قازاقپارات - دونەردەن ۋلانعان الماتىلىقتار ءدامحانا باسشىلىعىنان 7 ميلليون تەڭگە كولەمىندە وتەماقى تالاپ ەتۋدە.

قازىر تۇتىنۋشىلاردان 30 عا جۋىق شاعىم ءتۇستى. بۇل تۋرالى قالالىق تۇتىنۋشىلاردىڭ قۇقىعىن قورعاۋ دەپارتامەنتىنىڭ باسپا ءسوز قىزمەتى حابارلادى.
22 -تامىزدا «دونەر-انكارا» فاست-فۋد ورتالىعىنان اس ىشكەن 30 شاقتى ادام جۇقپالى اۋرۋلار اۋرۋحاناسىنا تۇسكەن. ولاردىڭ اعزاسىنان دارىگەرلەر سالموننولەز باكتەرياسىن تاپتى.
«قالالىق تۇتىنۋشىلاردىڭ قۇقىعىن قورعاۋ دەپارتامەنتى مەن قوعامدىق ۇيىمداردىڭ كومەگىمەن قازىر جاپا شەككەن ادامداردىڭ دونەرحانا باسشىلىعىنان مورالدى- ماتەريالدى شىعىنداردى وتەۋ تۋرالى تالاپ- ارىزدارىن جيناۋ جۇمىستارى جۇرگىزىلۋدە. قازىرگى تاڭدا 30 ادامنىڭ تالابى بار. ولار ءدامحانا باسشىلىعىنان 7 ميلليون تەڭگە تالاپ ەتىپ وتىر»، - دەدى باسپا ءسوز قىزمەتىنەن.
اۆتور: گۇلميرا عوسمانالي