استانا قالاسىندا 7 پۋنكت ۆاليۋتا ايىرباستاۋ وپەراتسياسىنىڭ ءتارتىبىن بۇزعان - ۇلتتىق بانك

استانا. قازاقپارات - ەلوردادا ۆاليۋتا ايىرباستاۋ وپەراتسياسىنىڭ ءتارتىبىن بۇزعان 7 ايىرباس پۋنكتى انىقتالدى.
None
None

بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن بريفينگ بارىسىندا ق ر ۇلتتىق بانكىنىڭ استانا قالاسى بويىنشا ورتالىق فيليالدىڭ ديرەكتورى عازيز شەگەنوۆ ءمالىم ەتتى.

«تەڭگەنىڭ ەركىن اينالىمى ەنگىزىلگەن سوڭ، ۇلتتىق بانك ۆاليۋتا ايىرباستاۋ پۋنكتتەرىنىڭ جۇمىسىن قاداعالاۋدى كۇشەيتتى. استانا قالاسى بويىنشا مالىمەت بەرەتىن بولسام، بىز ۆاليۋتا ايىرباستاۋ وپەراتسياسىنىڭ ءتارتىبىن بۇزعان 7 ايىرباستاۋ پۋنكتىن انىقتادىق. وسى 7 فاكتىگە قاتىستى ءۇش ايىرباستاۋ پۋنكتىنە قاعاز جۇزىندە ەسكەرتۋ جاريالانسا، ەكى فاكت بويىنشا تالاپتى ورىنداۋ مىندەتى بەكىتىلدى, ال، ءبىر بانكتىڭ فيليالىنا قاتىستى اكىمشىلىك قۇقىق بۇزۋشىلىق تۋرالى حاتتاما تولتىرىلدى. ول فيليال دوللار مەن ەۋرونىڭ كۋرسىنا قاتىستى باعانى قىمباتتاتىپ ساتقان»، - دەپ ءتۇسىندىردى.

ول، سونداي- اق، ورايى كەلگەن ءساتتى پايدالانىپ، ۆاليۋتا ايىرباستاۋ پۋنكتتەرىنە قاتىستى ۇلتتىق بانكتىڭ قۇقىقتارى مەن قۇزىرىن قايتالاپ ءوتتى.

«ۇلتتىق بانكتەن ۆاليۋتا ايىرباستاۋعا رۇقسات الىپ، ليتسەنزيا يەلەنگەن ۇيىمدارعا قاتىستى ورىنداپ جاتقان مىندەتتەرى تۋرالى حات سۇراتۋعا، قاعاز جۇزىندە ەسكەرتۋ جاريالاۋعا جانە ورىنداۋعا مىندەتتى قاعاز جۇزىندەگى ەسكەرتۋ بەرۋگە قۇقىلى. سونىمەن قاتار، ۇلتتىق بانك ۆاليۋتا ايىرباستاۋ ءتارتىبىن بۇزعان پۋنكتتەردىڭ ليتسەنزياسىن قايتارىپ الۋعا دا قاۋقارلى»، - دەپ ەسكەرتتى ع. شەگەنوۆ.

اۆتور: كەنجەكەي توقتامۇرات قىزى

سوڭعى جاڭالىقتار