قىرعىزستاندا سالماعى 7 كەلى الىپ نارەستە دۇنيەگە كەلدى

 استانا. قازاقپارات - جالالابادتا سالماعى 7 كەلىلىك نارەستە دۇنيەگە كەلدى.

بۇل تۋرالى كيرتاگ- قا جالالاباد وبلىستىق كلينيكالىق اۋرۋحاناسى ستاتسيونارىنىڭ مەڭگەرۋشىسى مىندەتىن اتقارۋشى مارجان سۇلتانوۆا حابارلاعان.

 «18- تامىزدا 19:00-دە پەرزەنتحاناعا 33 جاستاعى ايسالقىن پازىلبايەۆا ءتۇستى. كەلەسى كۇنى تاڭعى 7 دە ول كەسار تىلىگى جولىمەن سالماعى 7 كەلى ەر بالانى دۇنيەگە اكەلدى. قازىر اناسىنىڭ جاعدايى قالىپتى، بۇگىن ولار جانساقتاۋ بولىمىنەن پالاتاعا اۋىستىرىلدى. بالا دا اناسىمەن بىرگە پالاتادا»، - دەپ حابارلادى سۇلتانوۆا.