13:13, 17 - شىلدە 2015 | GMT +5
قىتايعا 7 ميلليون تەڭگەنى جاسىرىپ وتكىزبەك بولدى
استانا. قازاقپارات - «قورعاس» باقىلاۋ- وتكىزۋ بەكەتىندەگى (قازاقستاندىق - قىتايلىق شەكارا) شەكاراشىلار ەلىمىزدەن ۆاليۋتانى زاڭسىز جولمەن الىپ وتپەك بولعان قازاقستان رەسپۋبليكاسىنىڭ 2 ازاماتىن ۇستادى.
شەكارالىق تەكسەرۋ كەزىندە ولاردىڭ قالتالارىنان دەكلاراتسيالانباعان ءىرى كولەمدەگى اقشا - 7 ميلليون تەڭگە تابىلدى. قر ازاماتتارى مەن ولاردىڭ جاريالانباعان اقشالارى اكت بويىنشا «التىنكول» كەدەندىك بەكەتىنىڭ قىزمەتكەرلەرىنە تابىستالدى، دەپ حابارلادى ق ر ۇ ق ك ش ق باسپا ءسوز قىزمەتى.
