قوستانايدا 7 جاسار ۇلدى قاعىپ كەتكەن جۇرگىزۋشى كولىككە بالا ءوزى كەلىپ سوعىلعاندىعىن العا تارتتى

قوستاناي. قازاقپارات - جول اپاتىنان بىرنەشە جەرى سىنىپ، زارداپ شەككەن بالانىڭ اناسى پوليتسياعا وقيعا ورىن العاننان كەيىن 4 كۇن وتكەن سوڭ جۇرگىزۋشىنى جاۋاپكەرشىلىككە تارتۋ تۋرالى شاعىممەن جۇگىندى.

ول 10 -شىلدەدە جۇرگىزۋشى ونىڭ ۇلىن قاعىپ كەتكەنىن حابارلادى، اپات سالدارىنان بالا دەنە سىنىقتارىمەن اۋرۋحاناعا جەتكىزىلگەن.

قوستاناي وبلىسى ءى ءى د باسپا ءسوز قىزمەتى حابارلاعانداي، ءتارتىپ ساقشىلارى «لادا گرانت» كولىگىنىڭ جۇرگىزۋشىسىنىڭ كىم ەكەنىن انىقتاپ، ۇستادى. جۇرگىزۋشىنىڭ ايتۋىنشا، 7 جاستاعى بالا وتۋگە رۇقسات ەتىلمەيتىن جولدان جۇگىرىپ وتپەكشى بولعان. «ول ماشينالاردىڭ اراسىنان جالت ەتىپ شىعا كەلىپ، كولىككە ءوزى سوعىلدى»، - دەدى ۇستالعان ادام.