استانادا جىل باسىنان بەرى 7 مىڭنان استام پاتەر سالىندى

استانا. قازاقپارات - استانا قالاسى ستاتيستيكا دەپارتامەنتىنىڭ حابارلاۋىنشا، 2015 -جىلدىڭ قاڭتار- مامىر ايلارىندا بارلىق قارجى كوزدەرى ەسەبىنەن 7108 پاتەرلىك تۇرعىن ۇيلەر پايدالانۋعا بەرىلدى، دەپ حابارلادى astana.gov.kz.

تاپسىرىلعان ۇيلەردىڭ جالپى اۋدانى 766427 شارشى مەتردى قۇرايدى. بۇل 2014 -جىلدىڭ سايكەس مەرزىمىندەگى

كورسەتكىشتەن %82,2 ارتىق. جەكە سالۋشىلار جالپى اۋدانى 24481 شارشى مەترلىك ءۇي سالعان. بۇل 2014 -جىلدىڭ سايكەس مەرزىمىمەن سالىستىرعاندا %87,3 ارتىق. جەكە تۇرعىن ءۇي قۇرىلىسىنىڭ جالپى تۇرعىن ۇيدەگى ۇلەسى %3,2 قۇرادى، ال 2014 -جىلدىڭ قاڭتار- مامىرىنداعى كورسەتكىش - %6,7.

2015 -جىلدىڭ قاڭتار- مامىرىندا تۇرعىن ءۇي قۇرىلىسىنا جۇمسالعان ينۆەستيتسيالاردىڭ جالپى كولەمى 45392,0 ميلليون تەڭگەنى قۇرادى. بۇل 2014 -جىلدىڭ قاڭتار- مامىرىنداعى كورسەتكىشكە %119,1 بولادى. نەگىزگى كاپيتالدى ينۆەستيتسيالاۋدىڭ جالپى كولەمى بويىنشا تۇرعىن ءۇي قۇرىلىسىنداعى يگەرىلگەن قارجى ۇلەسى %24,2 قۇرادى.

ەلوردادا 2015 -جىلدىڭ قاڭتار- مامىر ايلارىندا جالپى قۇرىلىستىڭ 1 شارشى مەترىنىڭ ورتاشا ناقتى قۇنى 109,7 مىڭ تەڭگە، ال، پايدالى تۇرعىن اۋدانىنىڭ 1 شارشى مەترىنىڭ ورتاشا ناقتى قۇنى 153,6 مىڭ تەڭگە، سونىڭ ىشىندە جەكە سالۋشىلار سالعان ۇيلەردە 91,5 مىڭ تەڭگە بولدى.