شىعىس قازاقستان تۇرعىنى ءوزىن ولىمنەن اراشالاعان ادامدى 7 اي ىزدەدى
ءشۇلبى تۇرعىنى نيكولاي زاستاۆين وتكەن جىلى ناۋرىزدىڭ اياعىندا سۋ قويماسىنىڭ جاعالاۋىندا سەرۋەندەپ ءجۇرىپ، مۇز ۇستىندە جاتقان زاتتى الۋ ءۇشىن جاقىن بارىپتى. سول ساتتە مۇز جارىلىپ، ول سۋ تۇبىنە كەتكەن. الايدا سول ماڭنان ءوتىپ بارا جاتقان جىگىت كومەككە كەلىپ، ونى مۇزدى سۋدان امان الىپ شىعىپتى.
«زاستاۆيندى ولىمنەن اراشالاپ قالعان جىگىت بىردەن تاكسي ۇستاپ ونى ۇيىنە جەتكىزگەن. الايدا قاتتى قورقىپ قالعان نيكولاي زاستاۆين ونىڭ اتى-ءجونىن دە سۇراماپتى»، - دەلىنگەن جاريالانىمدا.
پورتالدىڭ مالىمەتىنشە، زاستاۆين ول جىگىتتى 7 اي ىزدەگەن. كەيىن ونىڭ ءورت ءسوندىرۋ قىزمەتىنىڭ ستارشيناسى داۋرەن ابىلقاسەنوۆ ەكەنى انىقتالدى. زاستاۆين سەمەيدىڭ توتەنشە جاعدايلار باسقارماسىنا حات جازىپ، ونى ماراپاتتاۋدى سۇرادى. كەشە ابىلقاسەنوۆكە ءى ءى م باسشىسىنىڭ اتىنان مەدال تابىس ەتىلدى. ال ت ج ب- داعى ونىڭ ارىپتەستەرى ابىلقاسەنوۆتىڭ باتىل ارەكەتى تۋرالى زاستاۆيننىڭ ايتۋىنان كەيىن عانا ءبىلدى. ال داۋرەننىڭ ءوزى قاراپايىمدىلىعىنان بولار، وقيعا جايلى ەشكىمگە ءتىس جارماپتى.
ngrinews.kzte
