08:25, 11 - مامىر 2015 | GMT +6
كريشتيانۋ رونالدۋ نەپالداعى ءزىلزالدان زارداپ شەككەندەرگە 7 ميلليون ەۋرو ءبولدى
استانا. قازاقپارات - مادريدتىك «رەال» كلۋبىنىڭ شابۋىلشىسى كريشتيانۋ رونالدۋ نەپالداعى جەر سىلكىنىسىنەن زارداپ شەككەندەرگە 7 ميلليون ەۋرو ءبولدى.
Mirror باسىلىمىنىڭ جازۋىنشا، 2014 -جىلى تابىسى ەڭ جوعارى بولعان فۋتبولشى رونالدۋ نەپالداعى ءزىلزالادان زارداپ شەككەن وتباسىلارعا كومەك رەتىندە Save the Children قايىرىمدىلىق قورىنا ءوز ەسەپشوتىنان 7 ميلليون ەۋرو اۋدارعان.
سونداي- اق ول الەۋمەتتىك جەلى ارقىلى ءوزىنىڭ جانكۇيەرلەرىن قايىرىمدىلىقپەن اينالىسۋعا، تابيعات اپاتىنىنىڭ كەسىرىنەن ءۇي- كۇيسىز قالعان جاندارعا قول ۇشىن سوزۋعا شاقىردى، دەپ جازادى شەتەلدىك ب ا ق.
ايتا كەتەيىك، نەپالدا تەربەلىسى 7,9 بالعا جەتكەن جويقىن ءزىلزالا 25 - ءساۋىر كۇنى تاڭەرتەڭ بولدى. سوڭعى مالىمەتتەر بويىنشا قۇرباندار سانى 8019 ادامعا جەتتى، ال 17876 ادام جاراقاتتانىپ، 366 ادام ءىز- ءتۇزسىز جوعالعانداردىڭ قاتارىندا.
