قازاقستاندىق اسكەريلەر ساپ تۇزەپ، «7» سانىن بەينەلەدى - فوتو
اتالعان اكسيا ق ر ق ك قاتارىنداعى ۇزدىك ساپتىق دايارلىق بويىنشا وتكىزگەن «7 - مامىر» بايقاۋىنىڭ قورىتىندىسى بولدى. ءىس- شاراعا بىرنەشە اسكەر تۇرلەرى مەن بولىمشەلەرىنىڭ اسكەري قىزمەتشىلەرى قاتىستى.
بايقاۋدا ۇزدىك دايارلىق كورسەتكەن جەكە ۆزۆودتار مەن اسكەري بولىمدەر ەرەكشە اكسيا ارقىلى ءوز شەبەرلىكتەرىن تانىتتى. ولاردىڭ اراسىندا اقتاۋداعى 25744، استاناداعى 32363، وسكەمەندەگى 27943 اسكەري بولىمدەرىنىڭ، ق ر ق م قۇرمەتتى كۇزەت روتاسى، سونداي- اق ق ر ق ك ارنايى ماقساتتاعى ۇزدىك ۆزۆودتارى مەن ق ر اسكەري- تەڭىز كۇشتەرىنىڭ اسكەري قىزمەتشىلەرى بار.
ق ر ق م قۇرمەتتى كۇزەت روتاسىنىڭ اسكەري قىزمەتشىلەرى اكسيا بارىسىندا ساپتا قارۋ قولدانۋدى كوركەم تۇردە ناقىشىنا كەلتىرە ورىنداپ، پارادتىڭ سالتاناتتى ەلەمەنتتەرىن كورسەتتى. وسى ورايدا، بايقاۋ جەڭىمپازدارى بارلىق ءتورت تىزبەكتىڭ ءدال قوسىلۋى ارقىلى ساپقا تۇرىپ، بارابان ءۇنىنىڭ قولداۋىمەن وتان قورعاۋشى كۇنى - «7» سانىن بەينەلەدى، دەپ حابارلايدى ق ر قورعانىس مينيسترلىگىنىڭ باسپا ءسوز قىزمەتىنەن.
