ون ادامنىڭ ولىمىنە كىنالى اۆتوبۋس جۇرگىزۋشىسى 7 جىلعا سوتتالدى - جامبىل وبلىسى

استانا. قازاقپارات - مويىنقۇم اۋداندىق سوتىندا 10 ادامنىڭ ولىمىنە سەبەپكەر بولعان اۆتوبۋس جۇرگىزۋشىسىنە قاتىستى قىلمىستىق ءىس قارالدى.

بۇل تۋرالى جامبىل وبلىستىق سوتىنىڭ باسپا ءسوز قىزمەتى حابارلايدى.

ءبىر ساتتە ونشاقتى ادامنىڭ ءومىرىن جالماعان وسى ءبىر قايعىلى وقيعا بيىل اقپان ايىنىڭ باسىندا استانا- شىمكەنت تاس جولىنىڭ 394-شاقىرىمىندا ورىن العان ەدى.

45 ادامى بار اۆتوبۋستى 24 جاستاعى بەكتيار بەگالايەۆ ساعاتىنا 65 شاقىرىم جىلدامدىقپەن جۇرگىزىپ كەلە جاتقان-دى. جىلدامدىق ونشا جوعارى ەمەس، الايدا سول كۇنى كوكتايعاق بولعان ەدى. ونىڭ ۇستىنە كولىكتىڭ الدىڭعى دوڭعالاقتارىنىڭ شيناسى كونەرگەن. جولدان شىعىپ كەتكەن اۆتوبۋس اۋدارىلىپ قالىپ، سالدارىنان ءار ءتۇرلى جاراقات العان 10 ادام اجال قۇشتى.

«مويىنقۇم اۋداندىق سوتى بەكتيار بەگالايەۆتى ق ر قىلمىستىق كودەكسىنىڭ 345-بابى 4- ءبولىمى (ابايسىزدا ەكى نەمەسە ودان دا كوپ ادامنىڭ ولىمىنە اكەپ سوققان جول- كولىك وقيعاسى دەرەگى بويىنشا جول قوزعالىسى ەرەجەسىن بۇزۋ) بويىنشا ايىپتى دەپ تانىپ، جەتى جىلعا باس بوستاندىعىنان ايىردى»، - دەپ جازىلعان حابارلامادا.

ۇكىم زاڭدى كۇشىنە ەنگەن جوق.