قازاقستاندىق جاس تاەكۆوندوشىلار تايپەيدە ءوتىپ جاتقان ازيا چەمپيوناتىندا 7 مەدال يەلەندى
جاسوسپىرىمدەر مەن كادەتتەر اراسىنداعى ازيا بىرىنشىلىگى كورشى قىتاي ەلىنىڭ تايپەي قالاسىندا وتۋدە. اسپان استى ەلىنە قازاقستان قۇراماسى جاقسى دايىندىقتا اتتانعان بولاتىن. جارىستىڭ العاشقى كۇندەرى جاسوسپىرىمدەر سىنعا ءتۇسىپ، قازاقتىڭ ۇل-قىزدارى سپورت سۇيەر قاۋىمدى تاڭ قالدىردى.
45 كەلى سالماقتا ونەر كورسەتكەن ءبىرىمباي ەلدار مەن 55 كەلىدە سىنعان تۇسكەن اناستاسيا وستروۆسكايا فينالعا شىقسا دا، وكىنىشكە قاراي، جاس ورەندەرىمىزگە تاجىريبە مەن ساتتىلىك جەتىسپەي، ولار قارسىلاستارىنا جول بەرىپ قويدى. وسىلايشا، التىندى ۋىسىنان شىعارىپ الدى.
ال قولا جۇلدەگە 5 بىردەي ساڭىلاعىمىز قول جەتكىزدى. ولاردىڭ اراسىندا جولداسپايەۆ ساعدات (51 كەلى)، شىمىرباي ساعىنىش (55 كەلى)، قوجاحمەت نۇرقانات (68 كەلى)، قوسماحانبەت بوتاگوز (48 كەلى) جانە قايىرجانوۆا ءمادينا (+68 كەلى) بار.
5 قولا مەن 2 كۇمىس جۇلدەنىڭ ارقاسىندا قازاقستان جاسوسپىرىمدەر قۇراماسى جالپى كوماندالىق ەسەپتە ەرلەر اراسىندا 4- ورىننان، ال قىزدار اراسىندا 6- ورىننان كورىندى.
