قىتايدىڭ شينجاڭ- ۇيعىر اۆتونوميالى ولكەسىندەگى ءزىلزالادان 7 مىڭعا جۋىق ادام جاپا شەكتى
بەيجىڭ. قازاقپارات - ق ح ر- دىڭ شينجاڭ- ۇيعىر اۆتونوميالى ولكەسى تارباعاتاي ايماعىنىڭ ساۋان اۋدانىندا بولعان ءزىلزالادان جاپا شەككەندەر سانى 6756 ادامعا جەتتى.
ولاردىڭ دەنى باسپاناسىز قالدى. بۇل تۋرالى «شينحۋا» اگەنتتىگى حابارلادى.
جەكسەنبى كۇنى استانا ۋاقىتى بويىنشا ساعات 16:42-دە ريحتەر شكالاسى بويىنشا كۇشتىلىگى 5 بال بولعان جەر سىلكىنىسى سالدارىنان 1728 قۇرىلىس نىسانى قيرادى.
قازىرگى ۋاقىتتا تابيعي اپات وشاعىنىڭ قاسىندا ورنالاسقان 132 اۋىلدا قۇتقارۋشىلاردىڭ ءۇش توبى جۇمىس ىستەپ جاتىر.
