پوليتسەيلەر 7 لاڭكەستىڭ كوزىن جويدى

استانا. قازاقپارات - پاكىستاننىڭ قۇقىق قورعاۋ ورگاندارىنىڭ قىزمەتكەرلەرى 7 سودىردىڭ كوزىن جويدى. قالعان ەكسترەميستەر بوي تاسالاپ ۇلگەرگەن.

ولار اتىشۋلى «تاليبان» قوزعالىسىنىڭ مۇشەلەرى بولىپ شىقتى. قيان-كەسكى ۇرىس وسى ەلدىڭ وڭتۇستىگىندەگى كاراچي قالاسىندا بولعان. ءتارتىپ ساقشىلارىنا قالا ماڭىندا 16 ءتالىپ جاسىرىنىپ ءجۇر دەگەن حابار جەتىپ، پوليتسەيلەر دەرەۋ ىزگە تۇسكەن.

قازا تاپقان سودىرلار «شاھيد بەلدىكتەرى» مەن جارىلعىش جاساپ كەلگەن. اتىس كەزىندە كوز جۇمعان لاڭكەستەردىڭ دەنەسى قالالىق اۋرۋحاناعا جەتكىزىلدى. ءتارتىپ ساقشىلارى ولاردىڭ 3 ەۋىنىڭ جەكە باسىن انىقتادى. قالعان 4 ەۋىنىڭ كىم ەكەنى ءالى بەلگىسىز.

24.kz