ۆولەيبولدان ەلىمىزدىڭ جاسوسپىرىمدەر قۇراماسى ازيا چەمپيوناتىن 7- ورىنمەن اياقتادى

استانا. قازاقپارات  -ۆولەيبولدان ەلىمىزدىڭ جاسوسپىرىمدەر قۇراماسى تايپەيدە وتكەن ازيا چەمپيوناتىن جەتىنشى ورىنمەن اياقتادى. جەرلەستەرىمىز سوڭعى ويىندا شري-لانكي قۇراماسىنان باسىم ءتۇستى.

بيىلعى ازيا چەمپيوناتىنىڭ جەڭىمپازى بولىپ قىتايلىق ۆالەيبولشىلار تانىلدى. ولار فينالدا جاپونيا قۇراماسىنان ايلاسىن اسىردى. قولا جۇلدە كورەيالىق قىزداردىڭ ەنشىسىنە بۇيىردى. تۋرنيرگە جالپى سانى 15 قۇراما قاتىسقان بولاتىن.

ەستەرىڭىزگە سالا كەتسەك، 17 جاستاعى قازاقستاندىق ۆولەيبولشى ءسابينا التىنبەكوۆا ءتۋرنيردىڭ ەڭ سۇلۋ سپورتشىسى اتانىپ، كورەرمەن كوزايىمىنا اينالعان بولاتىن.

قىتايدىڭ ب ا ق وكىلدەرى ەڭ ادەمى ۆولەيبولشى قىز تۋرالى جارىسا جازىپ، از ۋاقىتتىڭ ىشىندە تانىمالدىعىن ارتتىرا ءتۇستى. قازاقستاندىق ارۋعا جەرگىلىكتى جانكۇيەرلەر ەرەكشە قۇرمەت كورسەتىپ، الەۋمەتتىك جەلىلەردە دوستىق حابارلاماسىن جىبەرۋشىلەردىڭ سانى ساعات سايىن ارتا تۇسكەن. ءسابينانىڭ «Іnstagram» الەۋمەتتىك جەلىسىندەگى وقىرماندارى ءتورت كۇن ىشىندە 300 ادامنان 170 مىڭ ادامعا دەيىن جەتكەن.

قىتايلىقتاردى تاڭ قالدىرعان قازاق قىزى قۇرامانىڭ قوسالقى قۇرامداعى ويىنشىسى سانالادى. ءسابينا ازيا چەمپيوناتىنا العاش رەت شاقىرتۋ العان ەكەن.

دايىنداعان: نۇرجىگىت ايدارحان

massaget.kz