قاراۋسىز جاتقان جەردى 7 جىلدان كەيىن ءوز اتىڭىزعا اۋدارۋعا بولادى
بۇل تۋرالى الماتى تەلەارناسى "اشىق اڭگىمە" باعدارلاماسىندا الماتى ق. ادىلەت دەپارتامەنتىنىڭ باس مامانى نۇرالى شاحابايەۆ مالىمدەدى.
«ەگەر ءسىز بىرەۋدىڭ جىلجىمايتىن مۇلىگىن 7 جىل بويى تۇراقتى تۇردە پايدالانساڭىز، سول جىلجىمايتىن مۇلىككە بايلانىستى بارلىق سالىقتاردى تولەسەڭىز جانە جىلجىمايتىن مۇلىككە قاتىستى كوممۋنالدى قىزمەتتەردى، شىعىنداردى جانە جىلجىمايتىن مۇلىكتەردىڭ بارىنشا ساقتالۋىنا ءىس- ارەكەت جاساساڭىز، بۇل زاڭعا سايكەس، ءوزىڭىزدى مەكشىك يەسى دەپ تانۋعا، 7 جىلدان كەيىن سوتقا شاعىمدالا الاسىز. سونىمەن قاتار، مىندەتتى تۇردە كۋاگەرلەر بولۋى ءتيىس. ءوزىڭىزدىڭ اۋداندىق سوتىڭىزعا شاعىمدانىڭىز. سوتقا شاعىمدانۋ ارقىلى مەنشىك قۇقىعىڭىزدى راستايسىز» ، - دەدى نۇرالى شاحابايەۆ.
شاحابايەۆتىڭ ايتۋىنشا، جىلجىمايتىن مۇلىكتى راستاۋدا بىرنەشە قۇجاتتاردى جيناستىرۋ قاجەت. مەنشىك يەسىنە قاتىستى اقپارات، الماتى جەر باسقارماسىنان جەرگە قاتىستى قۇجاتتاردى، الماتى ق. جىلجىمايتىن مۇلىك ورتالىعىنان ۇيگە قاتىستى قۇجاتتاردىڭ ءتۇپنۇسقاسىن جيناستىرىپ، ءوتىنىش جازۋ مىندەتتى. سوت شەشىمى شىققانننان كەيىن قۇجاتتاردى زاڭدى تۇردە ءوزىڭىزدىڭ اتىڭىزعا زاڭداستىرۋ مۇمكىنگىنە يە بولاسىز.
