وڭتۇستىك كورەيانىڭ پرەزيدەنتى پاك كىن حە 7 ءمينيستردى قىزمەتىنەن بوساتتى
اتاپ ايتقاندا، ەكونوميكالىق ماسەلەلەر ۆيتسە-مينيستر، ءبىلىم، ەڭبەك جانە جۇمىسپەن قامتۋ، مادەنيەت، عىلىم، سونداي-اق، گەندەرلىك تەڭدىك پەن وتباسى ماسەلەلەرى بويىنشا مينيسترلەر، قاۋىپسىزدىك جانە قوعامدىق اكىمشىلىك ءمينيسترى جاڭادان تاعايىندالدى.
وعان قوسا، كەشە ساياسي ىستەر، الەۋمەتتىك ماسەلەلەر، ەكونوميكا، ءبىلىم بەرۋ جانە مادەني سالالار بويىنشا كومەكشىلەرىن الماستىردى.
ەسكە سالا كەتەيىك، بورتىندا 476 ادام بولعان «سيەۆول» جولاۋشىلار كەمەسى 16 - ءساۋىر كۇنى وڭتۇستىك كورەيانىڭ وڭتۇستىك-باتىس جاعالاۋىندا اپاتقا ۇشىرادى. قۇربان بولعانداردىڭ سانى 300 گە جۋىق.
كەمەنىڭ اپاتقا ۇشىراۋ ءىسى بويىنشا «چونحەچجين» كومپانياسى قىزمەتكەرلەرىنىڭ سانىنان بارلىعى 20 عا جۋىق ادام ۇستالدى. ولاردىڭ اراسىندا كورەيا كەمە جۇرگىزۋ قاۋىمداستىعىنىڭ قىزمەتكەرلەرى مەن ەكيپاج مۇشەلەرى قاۋىپسىزدىك شارالارىن ساقتاماعان جانە سىيبايلاس جەمقورلىققا قاتىستى دەپ كۇدىكتەلگەندەر بار.
