فۋتبول: الەم چەمپيوناتتارى تاريحىنداعى ەڭ ماڭىزدى 7 گول - ۆيدەو
7. رونالدو (برازيليا - گەرمانيا 2:0, 2002)
جاپونيا مەن كورەيادا وتكەن جاھاندىق تەڭبىل دوپ جارىسىندا رونالدو جاسىنداي جارقىلدادى. 8 دوپ سوعىپ، ۇزدىك مەرگەندەر كوشىن باستاعان ازۋلى شابۋىلشىنىڭ فينالدا وليۆەر كاندى سان سوقتىرعان قوس دوبى برازيليالىقتارعا «پەنتاكامپەون» اتاعىن سىيلادى.
6. زينەدين زيدان (فرانتسيا - برازيليا 3:0, 1998)
1998 - جىلى فرانتسيا العاش رەت الەم چەمپيونى اتاندى. فينالدىق كەزدەسۋدە زيدان ەكى مارتە كوزگە ءتۇسىپ، ءبىر ساتتە «ۇلت قاھارمانىنا» اينالدى. ءسىزدىڭ نازارىڭىزعا چەمپيوندىق اتاق يەگەرى كىم بولادى دەگەن سۇراققا جاۋاپ بولعان زيزۋدىڭ ەكىنشى گولىن ۇسىنىپ وتىرمىز.
5. پەلە (برازياليا، 1970)
1970 - جىلدىڭ فينالىندا برازيليا يتاليانى 4:1 ەسەبىمەن ويسىراتا جەڭدى. بۇل «فۋتبول كورولى» پەلەنىڭ ۇلتتىق قۇراما ساپىندا الەم چەمپيوناتتارى اياسىندا وتكىزگەن سوڭعى ويىنى ەدى. وسىنداي ساتتە ول ءۇنسىز قالا قالماس ەدى.
4. گەرد ميۋللەر (گ ف ر، 1974)
اتى اڭىزعا اينالعان نەمىس شابۋىلشىسى وسىدان 40 -جىل بۇرىن ءا چ فينالىندا جەڭىس دوبىن سوعىپ، ءوز ەلىنە باستى جۇلدەنى سىيلاعان بولاتىن.
3. اندرەاس ينەستا (يسپانيا، 2010)
يسپانيا تاريحىندا ەڭ العاش چەمپيوندىق اتاققا قول جەتكىزۋگە مۇمكىندىك بەرگەن شىن مانىندە «التىن گول» .
2. دجەفف حەرست (انگليا، 1966)
الەمدىك فۋتبول تاريحىنداعى ەڭ داۋلى گولداردىڭ ءبىرى. ءتىپتى شىنىن ايتار بولساق، قاتە ەسەپتەلگەن گول. دەگەنمەن وسى دوپتىڭ ارقاسىندا اعىلشىندار وسى كۇنگە دەيىن «ۋەمبلي» مۇراجايىندا جالعىزسىراپ تۇرعان كۋبوگىن يەلەنگەن ەدى.
1.ديەگو مارادونا (ارگەنتينا، 1986)
بۇل ورىنعا ارگەنتينالىق اتاقتى فۋتبولشى ديەگو ارماندو مارادونانىڭ 1986 -جىلعى مەكسيكادا وتكەن الەم بىرىنشىلىگىنىڭ شيرەك فينالىندا اعىلشىنداردىڭ قاقپاسىنا سوققان ەكى بىردەي گولى جايعاستى. قوس اققۋداي ءبىر- بىرىنەن اجىراماس بۇل ەكى دوپتىڭ سالماعى دا ساپاسى ءارقيلى. بىرەۋى اتىشۋلى قولمەن سوعىلعان دوپ بولسا،
ەكىنشىسى - فۋتبول تۋرالى وقۋلىقتارعا ەنۋى ءتيىس، ماماندار ⅩⅩعاسىردىڭ ەڭ ادەمى گولى دەپ تانىعان ءبىرتۋار تۋىندى.
