مانساپتى قۇرتاتىن 7 نارسە

استانا. قازاقپارات - ابىرويلى بەدەل مانساپ جولىندا جەتىستىككە جەتۋ ءۇشىن ەڭ ماڭىزدى نارسە بولىپ سانالادى. جەتىستىكتەرگە جەتۋ، ءوز-وزىڭە سەنىمدى بولۋ جانە ارىپتەستەرىڭنىڭ اراسىندا سىيلى بولۋ ءۇشىن قانداي قاسيەتتەرگە يە بولۋ قاجەت؟

قانداي قاتەلىكتەردى جىبەرمەۋ كەرەك؟

1. ۇنەمى كەشىكتىرۋ

ءسىزدىڭ بەرىلگەن تاپسىرمانى ۇنەمى ۋاقىتىندا ورىنداماي، كەشىكتىرەتىنىڭىز باستىعىڭىزعا ۇناماۋى مۇمكىن.

جۇمىسىڭىزدى جاقسى ورىنداعان بولساڭىز دا، مۇنداي قاسيەتتى كوبىسى جاقتىرا بەرمەيدى. سوندىقتان بەرىلگەن ىسكە جاۋاپكەرشىلىكپەن قاراعان ءجون.

2. قىزبا مىنەز

كەيدە جۇمىستا قىزمەتكەرلەر اراسىندا جۇيكەڭىزگە تيەتىن، اشۋ شاقىراتىن جاعدايلار ورىن الىپ جاتادى. مۇنداي جاعدايلاردا جۇمىسقا قاتىستى جايتتارعا اشۋلانامىن دەپ ءجۇرىپ، ارىپتەسىڭىزدى رەنجىتىپ الۋىڭىز مۇمكىن.

كۇيگەلەك جاندارمەن ەشكىم دە جاقسى قارىم-قاتىناس ورناتا المايتىنى راس. بارلىق قىزمەتكەرلەر اقكوڭىل، سىپايى جاندارمەن جۇمىس ىستەگەندى ۇناتادى. سوندىقتان كەز كەلگەن ادام بارىنشا ۇستامدى بولىپ، اشۋعا بوي الدىرماۋعا ءتيىس.

3. جالعان اقپارات تاراتۋ

كەيبىر ادامدار جاقسى جۇمىس تابۋ ماقساتىندا تۇيىندەمەسىنە ءوزى جايىندا جالعان اقپاراتتى اسىرا سىلتەپ جازىپ جىبەرەتىن كەزدەر بولادى الايدا جۇمىس بەرۋشى جۇمىسقا قابىلداناتىن ادامنىڭ بۇرىنعى جۇمىس ورىندارىن تەكسەرۋى مۇمكىن. باستىعىڭىزعا جالعان سويلەمەگەنىڭىز ابزال. ودان دا قاتەلىگىڭىزدى مويىنداپ، ونى تۇزەتۋگە ارەكەت جاساعانىڭىز دۇرىس بولادى.

4. ۋادەدە تۇرماۋ

ۋادە قۇداي ءسوزى دەمەكشى، قانداي جاعداي بولماسىن، قانشالىقتى قيىن بولسا دا، ۋادەگە بەرىك بولعان ابزال. قىزمەتتەگى بەدەلىڭىز كوبىنە وسى قاسيەتكە بايلانىستى بولىپ كەلەدى. ارىپتەستەرىڭىزگە كومەكتەسۋگە ۋادە بەرىپ، كەيىننەن ونى ۇمىتىپ كەتسەڭىز، سىزگە ەشكىم سەنبەيتىن بولادى.

سوندىقتان ادامدارمەن جاقسى قارىم قاتىناس ورناتۋ ءۇشىن، وزىڭىزگە سەنىمدى بولىپ، ءاردايىم ۋادەڭىزدە تۇرىڭىز. قىزمەتتە قاسىقتاپ جيناعان ابىرويىڭىزدى شەلەكتەپ توكپەۋگە تىرىسىڭىز.

5. ەلەكتروندى حاتتارعا جاۋاپ بەرمەۋ

كوپتەگەن قىزمەتكەرلەر ەلەكتروندى حاتقا ۋاقىتىندا جاۋاپ بەرمەي جاتادى. كەيدە جۇمىسى قاۋىرت بولۋى مۇمكىن نەمەسە وعان جاۋاپ بەرۋ اسا ماڭىزدى ەمەس دەپ ويلايدى. ال ارىپتەستەرى كەيدە مۇنى وزىمشىلدىككە بالاپ جاتادى. سوندىقتان جۇمىسىڭىز قانشالىقتى كوپ بولىپ جاتسا دا، ۋاقىت تاۋىپ جاۋاپ بەرگەنىڭىز دۇرىس. سوندا عانا سول ادامعا دەگەن قۇرمەتىڭىزدى بىلدىرەسىز.

6. ورىنسىز قالجىڭ

ارينە جاقسى قالجىڭ كەز كەلگەن ادامنىڭ كوڭىل كۇيىن كوتەرەتىنى راس. الايدا ء«ار قالجىڭنىڭ استارىندا ءبىر شىندىق بار» ەكەنىن ەسكەرىڭىز. ورىنسىز قالجىڭدايمىن دەپ ءجۇرىپ، ارىپتەسىڭىزدىڭ شامىنا ءتيىپ كەتۋىڭىز مۇمكىن. سوندىقتان ءار سوزىڭىزگە اباي بولىڭىز. بۇل دا قىزمەتتە، ءوسۋ جولىندا ءوز زيانىن تيگىزەتىنىن ۇمىتپاڭىز.

7. جۇمىس ورنىن ءجيى اۋىستىرۋ

جۇمىس ورنىن ءجيى اۋىستىراتىن ادامدار تۇراقسىز كەلەدى. ال مۇنداي تۇراقسىز ادامدى ەشكىم دە جاقتىرا قويماسى انىق. بارىپ كورگەن جۇمىسىڭىزدى وزىڭىزگە لايىق ساناماساڭىز وندا باسقاسىن ىزدەي ءتۇسىڭىز. مىنانى ەسكەرىڭىز: كەز كەلگەن قىزمەتتە بىردەن بيىككە كوتەرىلۋ مۇمكىن ەمەس. ول ءۇشىن ءبىراز تەر توگۋگە تۋرا كەلەدى. ال جۇمىسقا ورنالاسا سالىپ، بىردەن تەز ارادا مانساپقا جەتەم دەگەنىڭىز بوس اۋرەشىلىك بولادى.

 

blogtime