قازاقستان «جۇمساق كۇش» جاھاندىق رەيتينگىدە 79-ورىنعا شىقتى
ال ازيا ەلدەرىنىڭ ىشىندە قازاقستان 12-ورىندا تۇر. ورتالىق ازيا ەلدەرىنىڭ اراسىندا كوش باسىندا.
«جۇمساق كۇش» جاھاندىق رەيتينگى مەملەكەتتەردىڭ ماجبۇرلەپ نەمەسە كۇش كورسەتۋ، كوندىرۋ ارقىلى ەمەس سەندىرۋ ارقىلى ىقپال ەتۋ دەڭگەيىن كورسەتەدى. وسى ارقىلى ەلدىڭ سىرتقى الەمدەگى ابىرويى مەن ىقپالى ەسەپتەلەدى.
رەيتينگتىڭ كوش باسىندا ا ق ش؛ ۇلى بريتانيا جانە گەرمانيا تۇر. ازيا ەلدەرىنىڭ اراسىندا جاپونيا ۇزدىك. ال اراب الەمىندە بىرىككەن اراب امىرلىكتەرى الدا تۇر.
Brand Finance كونسالتينگ كومپانياسى تۇزەتىن بۇل رەيتينگ 121 ەلدەگى 100 مىڭنان كەم ەمەس ادامعا ساۋالناما جۇرگىزۋ ارقىلى جاسالادى.
