18:57, 10 - قاڭتار 2023 | GMT +6
مۇنايدىڭ الەمدىك باعاسى 79 دوللارعا دەيىن ءوستى
استانا. قازاقپارات - ICE لوندون بيرجاسىنداعى سەيسەنبى تاڭدا وتكەن ساۋدا-ساتتىقتا Brent ماركالى مۇناي باعاسى 79 دوللارعا دەيىن ءوستى، دەپ حابارلايدى قازاقپارات ICE بيرجاسىنا سىلتەمە جاساپ.
دۇيسەنبى كۇنگى ساۋدادا بۇل ماركالى مۇناي باررەلىنىڭ قۇنى 81,53 دوللارعا جەتكەنىمەن، كۇن سوڭىندا 79,65 دوللار بولدى. ساۋدا جۇرگىزىلگەن جەردىڭ ۋاقىتىمەن 10- قاڭتار كۇنگى ساعات 10:21 دەگى جاعداي بويىنشا ەليتالىق مۇناي ماركاسىنىڭ باعاسى 0,29 پايىزعا ءوسىپ، باررەلىنە 79,690 دوللاردى قۇرادى.
باعانىڭ وسۋىنە قىتاي شەكاراسىنىڭ اشىلۋى سەبەپ بولدى.
