الماتى وبلىسىندا 79 جاستاعى كەيۋانانى كوكالا قويداي قىلىپ ساباعان ادام ۇستالدى
ەستەرىڭىزگە سالا كەتەيىك، 14- ماۋسىمدا ىلە اۋدانىنىڭ ورتالىق اۋداندىق اۋرۋحاناسىنا جەتىگەن اۋىلىنىڭ 79 جاستاعى تۇرعىنى كەلىپ تۇسكەن.
جاۋاپ الۋ بارىسىندا ەگدە جاستاعى ازاماتشا جالعىز تۇراتىنىن، قۇلاپ قالىپ، دەنەسىندەگى جاراقات سودان بولعانىن ايتقان. سونىمەن قاتار، ارىز بەرۋدەن، سوت-مەديتسينالىق ساراپتامادان وتۋدەن باس تارتقان.
اتالعان دەرەك ق ر ق ك 107-بابى 1-بولىگى «دەنساۋلىققا قاساقانا اۋىرلىعى ورتاشا زيان كەلتىرۋ» بويىنشا تىركەلدى. سوتقا دەيىنگى تەرگەۋ بارىسىندا ءتارتىپ ساقشىلارى تانىسىن كۇرەكتىڭ سابىمەن ۇرعانىن مويىنداعان جەتىگەن اۋىلىنىڭ 70 جاستاعى تۇرعىنىن انىقتادى.
ايعاق زات قىلمىس قۇرالى رەتىندە ساراپتاماعا جىبەرىلدى. كۇدىكتى مەكەنجايىن وزگەرتپەۋ تۋرالى قولحاتپەن بوساتىلدى. ءىستىڭ ءمان-جايى سوتقا دەيىنگى تەرگەۋ بارىسىندا بەلگىلى بولادى. تەرگەۋ جالعاسۋدا.
