18:16, 08 - اقپان 2017 | GMT +6
اقمولا وبلىسىنىڭ اكىمى 790 مەتر تەرەڭدىككە ءتۇستى - فوتو
كوكشەتاۋ. قازاقپارات - اقمولا وبلىسىنىڭ اكىمى سەرگەي كۋلاگين جۇمىس ساپارىمەن ستەپنوگور قالاسىندا بولىپ، ءوڭىردىڭ الەۋمەتتىك- ەكونوميكالىق دامۋىمەن تانىستى، دەپ حابارلايدى "قازاقپارات" ح ا ا ءتىلشىسى وبلىس اكىمىنىڭ باسپا ءسوز قىزمەتىنە سىلتەمە جاساپ.
ايماق باسشىسى "قازاق التىن" ت ك م ك" ا ق- نىڭ بەستوبە كەنتىندەگى "زاپادنايا" شاحتاسىندا 790 مەتر تەرەڭدىككە ءتۇستى. وندا كەن ءوندىرۋ كولەمىن ارتتىرۋ ماقساتىندا پايدالى قازبالاردى تاسىمالداۋ ءۇشىن وتكەن جىلى ورناتىلعان كوتەرۋ مەحانيزمىنىڭ جۇمىسىمەن تانىستى. شاحتەرلەرمەن كەزدەسىپ، جاعدايلارىن ءبىلدى. 
شاحتا باسشىسى ءادىلحان قاليەۆتىڭ ايتۋىنشا، "زاپادنايا" شاحتاسىنىڭ جىلدىق قۋاتى 600 مىڭ توننا رۋدانى قۇرايدى. 2015-2016 -جىلدارى قۇرامىندا التىنى بار 240 مىڭ توننا رۋدا الىندى. شاحتانىڭ جالپى تەرەڭدىگى 880 مەتر بولسا، ونىڭ 790 مەترىندە عانا كەن ءوندىرۋ جۇمىستارى جۇرگىزىلۋدە.
