سيدنەيدە 79 جىلدان كەيىن العاش رەت 47 گرادۋس ىستىق بولدى

 استانا. قازاقپارات - جەكسەنبى كۇنى اۆستراليانىڭ ءىرى قالالارىنىڭ ءبىرى سيدنەيدە اۋا تەمپەراتۋراسى 79 جىلدان بەرى العاش رەت 47 گرادۋستان استى. بۇل تۋرالى BBC حابارلايدى.

 بيلىك قاۋىپسىزدىكتى ساقتاۋ ماقساتىندا تۇرعىندارعا الاۋ جاعۋعا، كاۋاپ پىسىرۋگە تىيىم سالدى. ۆيكتوريا جانە وڭتۇستىك اۆستراليا شتاتتارىندا بىرنەشە ۇيدە ءورت بولعان.

اۋا تەمپەراتۋراسى 1939 -جىلعى رەكوردقا (47,8 گرادۋس) جاقىنداپ، سىناپ باعانى 47,3 گرادۋستى كورسەتتى. ەرەكشە ىستىق اۋا رايى سالدارىنان جاڭا وڭتۇستىك ۋەلس شتاتىندا 7000 عا جۋىق ءۇي ەلەكتر جارىعىنسىز قالدى، دەپ جازادى Sydney Morning Herald.

بۇدان تىس، كريكەتتەن اۆستراليا جانە انگليا اراسىنداعى حالىقارالىق ماتچ، تەننيس تۋرنيرلەرى كەيىنگە شەگەرىلدى.