تۇركياداعى اپات ايماعىنان 78 وتانداسىمىز ورالدى –س ءى م
«تۇركيادا قۋاتتى جەر سىلكىنىسى ورىن العان ساتتەن بەرى سىرتقى ىستەر مينيسترلىگىنە شەتەلدەگى مەكەمە ارقىلى 1,2 مىڭنان استام وتانداسىمىزدان ءوتىنىش ءتۇستى. جۇرگىزىلگەن جۇمىستاردىڭ ناتيجەسىندە اپات ايماعىندا قالعان 190 نان استام وتانداسىمىزدىڭ تۇرعىلىقتى جەرى انىقتالدى. ينفراقۇرىلىمنىڭ بۇلىنگەنىن، تۇرعىن ۇيلەردىڭ اپاتتى جاعدايىن نەمەسە تولىقتاي قيراعانىن ەسكەرە وتىرىپ، ديپلوماتتارىمىزدىڭ جاردەمىمەن وتانداستارىمىزدى انكارا مەن ىستانبۇل قالالارىنا، قاۋىپسىز جەرگە ورنالاستىرۋ ءۇشىن اۆتوبۋستار ۇيىمداستىرىلدى. ىستىق تاماقپەن، تۇرعىلىقتى ورىنمەن قامتاماسىز ەتىلدى»، - دەدى ول ۆەدومستۆودا وتكەن اپتالىق بريفينگ بارىسىندا.
ونىڭ اتاپ وتۋىنشە، قاراجاتى قالماعان كەيبىر ازاماتتارىمىزعا قازاقستانعا دەيىن اۋە بيلەتىن ساتىپ الۋعا كومەك كورسەتىلگەن.
«وتانىنا ورالۋعا نيەت تانىتقان اپات ايماعىنداعى 78 ازاماتىمىز گۋمانيتارلىق اۋە كەمەلەرىمەن استانا جانە الماتى قالالارىنا ۇشىپ كەلدى. ءدال وسى بورتتارمەن قازاقستانعا قىرعىزستاننىڭ 24 ازاماتى جانە وتانىنا ورالعان قازاقستاندىقتاردىڭ وتباسى مۇشەسى سانالاتىن تۇركيانىڭ 5 ازاماتى جەتكىزىلدى»، - دەدى ايبەك سمادياروۆ.
