قىتايدا 78 ميلليون دوللار كولەمىندە پارا العان شەنەۋنىك ءولىم جازاسىنا كەسىلدى

None
بەيجىڭ. ت ا س س- قازاقپارات – ق ح ر شىعىسىنداعى تايان قالاسىنىڭ سوتى جۇما كۇنى لياونين پروۆينتسياسىنىڭ حالىقتىق ساياسي- كونسۋلتاتيۆتىك كەڭەسىنىڭ بۇرىنعى ۆيتسە- ءتوراعاسى لي ۆەنسيدى 540 ميلليون يۋان (شامامەن 78 ميلليون دوللار) پارا العانى ءۇشىن ءولىم جازاسىنا كەستى. بۇل تۋرالى «حالىق» گازەتى مالىمدەدى، دەپ حابارلايدى قازاقپارات ت ا س س اگەنتتىگىنە سىلتەمە جاساپ.

باسىلىمنىڭ مالىمەتى بويىنشا، ۇكىم ەكى جىلعا كەشەۋىلدەپ ورىندالادى.

مەملەكەت ايىپتالۋشىنىڭ بارلىق مۇلكىن تاركىلەيدى.

سونىمەن قاتار، ەكى جىلدان كەيىن جازانى جەڭىلدەتۋ مۇمكىندىگىنسىز ءومىر بويى باس بوستاندىعىنان ايىرۋعا اۋىستىرۋ جوسپارلانعان.

جەرگىلىكتى سوت ورگاندارىنىڭ پىكىرىنشە، لي ۆەنسيدىڭ زاڭعى قايشى ارەكەتتەرى «مەملەكەت پەن ادامداردىڭ مۇددەسىنە ايتارلىقتاي زالال كەلتىرگەن».

دەگەنمەن، ايىپتالۋشى تەرگەۋگە كومەكتەسىپ، بۇل ارەكەتى ءىسىن جەڭىلدەتۋگە كومەكتەستى.

ق ح ر بيلىگى 2012 -جىلى بيلىككە شي جينپيڭ باستاعان «بەسىنشى ۇرپاق» جەتەكشىلەرى كەلگەننەن كەيىن جەمقورلىققا قارسى كۇرەستى كۇشەيتتى.

كەيىنگى جىلدارى جەمقورلىققا قارسى اۋقىمدى ناۋقان ناتيجەسىندە كوپتەگەن شەنەۋنىك، ونىڭ ىشىندە جوعارى شەندىلەر دە قىزمەتىنەن ايىرىلىپ، تۇرمەگە قامالدى.

ولاردىڭ قاتارىندا ءومىر بويى باس بوستاندىعىنان ايىرىلعاندار دا بار.


سوڭعى جاڭالىقتار