مەملەكەت بيۋدجەتىنە ايىپپۇلدان 78 ميلليارد تەڭگەدەن استام قارجى ءتۇستى
بۇل تۋرالى ق ر باس پروكۋراتۋرسىىنىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ 9 ايىنداعى اتقارعان جۇمىستارىن قورىتىندىلاعان اتالعان كوميتەت ءتوراعاسى ءسابيت نۇرلىباي جەدەل كەڭەستە ءمالىم ەتتى، دەپ حابارلايدى قازاقپارات.
ول كەلتىرگەن دەرەكتەرگە قاراعاندا، قازىرگى تاڭدا قىلمىستىق ىستەردىڭ %90 دان استامى ەلەكتروندىق فورماتتا تەرگەلۋدە.
ەلەكتروندىق فورماتتا رەسىمدەلەتىن اكىمشىلىك حاتتامالار مەن نۇسقامالاردىڭ سانى 6 ميلليوننان استام نەمەسە جالپى سانىنىڭ شامامەن %90 ىن قۇرادى.
تەكسەرۋلەردى ەسەپكە الۋ سالاسىندا كوميتەت پەن ونىڭ اۋماقتىق ورگاندارىنىڭ پروكۋرورلارى 426 زاڭسىز تەكسەرۋلەردىڭ جولىن كەستى، ال موراتوريگە بايلانىستى كاسىپكەرلىك سۋبەكتىلەرىنە جۇرگىزىلەتىن تەكسەرۋلەر %80 عا تومەندەگەن.
مەملەكەت باسشىسىنىڭ بيىلعى 19-مامىرداعى وتاندىق بيزنەس وكىلدەرىمەن وتكەن كەڭەستىڭ قورىتىندىسى بويىنشا بەرگەن تاپسىرماسىن ورىنداۋ اياسىندا كوميتەت «اتامەكەن» ۇ ك پ جانە مۇددەلى مەملەكەتتىك ورگاندارمەن بىرلەسىپ، كاسىپكەرلىكپەن بايلانىستى قىلمىستىق قۇقىق بۇزۋشىلىقتاردى ەسەپكە الۋ جۇمىستارىن جۇزەگە اسىرۋدا.
اتالعان فۋنكسيونال وسى سالادا باستالعان سوتقا دەيىنگى بارلىق تەرگەۋلەردى قاداعالاۋعا جانە باقىلاۋعا مۇمكىندىك بەرەدى. سونىمەن قاتار، مەملەكەتتىك ورگاندارمەن بىرلەسىپ «تازا پاراقتان رەتتەۋ» جاڭا ساياساتىن ەنگىزۋ، بيزنەسكە قويىلاتىن ارتىق تالاپتاردى قىسقارتۋ جانە مەملەكەتتىك باقىلاۋدى اۆتوماتتاندىرۋ بويىنشا بەلسەندى جۇمىس جۇرگىزىلۋدە.
