تالدىقورعاندا كوروناۆيرۋس جۇقتىرعاندار سانى 78 گە جەتتى

تالدىقورعان. قازاقپارات - الماتى وبلىسىندا كوروناۆيرۋس ينفەكسياسىن جۇقتىرعانداردىڭ تاعى 4 جاعدايى تىركەلدى. ونىڭ 3-ەۋى تالدىقورعان قالاسىندا، 1 جاعداي قاپشاعاي قالاسىندا ورىن الدى، - دەپ حابارلايدى قازاقپارات ءتىلشىسى الماتى وبلىسى اكىمىنىڭ باسپا ءسوز قىزمەتىنە سىلتەمە جاساپ.

1947, 1953, 1955, 1989 -جىلى تۋعان ناۋقاستار اۋرۋحانادا پروفيلاكتيكالىق تەكسەرۋدەن وتكىزىلگەن. ولاردان كوروناۆيرۋس ينفەكسياسى انىقتالعان سوڭ وقشاۋلانىپ، قازىرگى ۋاقىتتا جۇقپالى اۋرۋلار بولىمىنە اۋىستىرىلدى. ەپيدەميولوگيالىق تەكسەرۋ جالعاسۋدا.

ايتا كەتەيىك، تالدىقورعان قالاسىندا كوروناۆيرۋستىڭ العاشقى جاعدايى 14- مامىردا تىركەلدى. سول ۋاقىتتان بەرى ىندەتتى جۇقتىرعاندار سانى 78 ادامعا جەتتى. 31 - مامىرداعى جاعداي بويىنشا الماتى وبلىسىندا ينفەكسيا جۇقتىرعان 353 ادام تىركەلگەن، ونىڭ 182- ءسى تولىعىمەن ەمدەلىپ، اۋرۋحانادان شىعارىلدى.