19:32, 11 - قىركۇيەك 2015 | GMT +6
باتىس قازاقستاندا «قايىرشى» شاراسى بارىسىندا 78 ادام ۇستالدى
ورال. قازاقپارات - باتىس قازاقستان وبلىسىندا 7-17 -قىركۇيەك ارالىعىندا «قايىرشى» جەدەل الدىن الۋ شاراسى وتكىزىلۋدە.
ب ق و ىشكى ىستەر دەپارتامەنتىنىڭ باسپا ءسوز قىزمەتىنەن تۇسكەن مالىمەتكە قاراعاندا، العاشقى ءۇش كۇننىڭ ىشىندە قوعامدىق ورىنداردا ەلدىڭ مازاسىن العان 78 ادام ۇستالىپ، ولارعا قاتىستى ق ر اكىمشىلىك قۇقىقبۇزۋشىلىق كودەكسى 449-بابى 1-بولىمىنە سايكەس اكىمشىلىك ءوندىرىس قوزعالدى.
سونىڭ ىشىندە 66 سى قايىرشىلىق، بەسەۋى باسقا قىزمەتتى ۇسىنعان. اتالعان كودەكستىڭ 449-بابى 2-ءبولىمى بويىنشا 6 ادام قايىرشىلىق دەرەگىمەن جاۋاپقا تارتىلدى. اتالعان كودەكستىڭ 449-بابى 3-بولىمىنە سايكەس جىنىستىق سيپاتتاعى قىزمەت ۇسىنۋ دەرەگى بويىنشا 1 ادام ۇستالىپ، ول ەل اۋماعىنان شىعارىلدى.
بارلىق قۇقىق بۇزۋشىلارعا 500 مىڭنان استام تەڭگە كولەمىندە ايىپپۇل سالىندى.
اتالعان شارا ودان ءارى جالعاسۋدا.
اۆتور: ەلجان ەرالى