ساڭىراۋقۇلاق تەرۋگە كەتكەن 78 جاستاعى قاريا اداسىپ، ورمان ىشىندە تۇنەپ شىقتى

كوكشەتاۋ. قازاقپارات - اقمولا وبلىسىنىڭ زەرەندى اۋدانىندا ساڭىراۋقۇلاق تەرۋگە كەتكەن 78 جاستاعى قاريا اداسىپ، ورمان ىشىندە تۇنەپ شىقتى. بۇل تۋرالى ايماقتىق ت ج د باسپا ءسوز قىزمەتىنەن حابارلادى.

ت ج د مالىمەتى بويىنشا وقيعا 27- شىلدە كۇنى كەشكە قاراي بولعان. كوكشەتاۋ قالاسىنىڭ 1936 - جىلعى تۇرعىنى تۇرسىن جاقىشيەۆ زەرەندى اۋدانىنىڭ كراسنىي كوردون سەلوسىندا توعاي ىشىنە ساڭىراۋقۇلاق تەرۋگە كەتكەننەن قايتىپ ورالماعان. ءتۇنى بويى قاريانى ىزدەگەن قۇتقارۋشىلار بۇگىن تاڭەرتەڭ تاڭعى 07:40 مينۋت شاماسىندا تاپقان. ابىروي بولعاندا اقساقال ءدىن-امان كورىنەدى.

ءدال وسىنداي وقيعا 27- شىلدە كۇنى شورتاندى اۋدانىندا دا تىركەلدى. مۇندا دا «ميتسۋبيسي- گالانت» اۆتوكولىگىمەن ساڭىراۋقۇلاق تەرۋگە كەلگەن 4 استانالىق ازامات ىزدەستىرىلۋدە. ولاردىڭ قايدا جۇرگەنى جونىندە ازىرگە اقپارات جوق. ىزدەستىرۋ جۇمىستارى ودان ءارى جالعاستىرىلۋدا.

اۆتور: اسلان وسپانوۆ