الماتى وبلىسىنىڭ ءبىر اۋدانىندا مۇعالىمدى جۇمىسقا زاڭسىز قابىلداۋدىڭ 77 دەرەگى تىركەلدى

تالدىقورعان. قازاقپارات - مۇعالىمدەردى جۇمىسقا زاڭ بۇزۋشىلىقپەن قابىلداۋدا الماتى وبلىسىنىڭ قاراساي اۋدانى كوش باستاپ تۇر.

بۇل جونىندە وقۋ-اعارتۋ مينيسترلىگى ءبىلىم سالاسىندا ساپانى قامتاماسىز ەتۋ كوميتەتىنىڭ ءتوراعاسى ەرنۇر داۋەنوۆ ايتتى، دەپ حابارلايدى قازاقپارات ءتىلشىسى.

«پەداگوگتاردى زاڭ بۇزۋشىلىقپەن قابىلداۋ فاكتىلەرى ەڭ كوپ تىركەلگەن ءوڭىر - الماتى وبلىسىنىڭ قاراساي اۋدانى. بۇل اۋداندا 77 فاكتى تىركەلگەن. ەكىنشى ورىندا - قاراعاندى قالاسى. بۇل شاھاردا 62 جاعداي، ال ءۇشىنشى ورىندا تۇركىستان قالاسى، 57 فاكتى تىركەلگەن»، - دەدى كوميتەت ءتوراعاسى ەرنۇر داۋەنوۆ.

ال مۇنداي فاكتى جامبىل وبلىسىندا ەڭ از تىركەلگەن. بۇل وڭىردە 2 جاعداي عانا بولعان.

جەتىسۋ وبلىسىندا مۇعالىمدەردى زاڭ بۇزۋشىلىقپەن جۇمىسپەن قامتۋ بويىنشا 42 فاكتى بولعان. ونىڭ 25 سى تالدىقورعاندا، 17 سى الاكول اۋدانىندا.