ب ۇ ۇ 77- سەسسياسى باستالدى – ا ق ش

بىلتىر كورونوۆيرۋس ۋشىققان ۋاقىتتا الەم كەلەر جىلعا ۇلكەن ۇمىتپەن قاراعان. ءبىراق باس حاتشىنىڭ پىكىرىنشە، بيىلعى جيىن ءتىپتى كۇردەلى جاعداي كەزىندە ءوتىپ وتىر. الەمدىك ەكونوميكاداعى رەتسەسسيا، ءتۇرلى قاقتىعىستار، گەوساياسي تۇراقسىزدىق سياقتى كۇردەلى ماسەلەلەر تۋىندادى. سەسسيادا تاعى قانداي سۇراقتار كوتەرىلۋى مۇمكىن؟

- ب ۇ ۇ سەسسياسى جىل سايىن قىركۇيەكتە وتەدى. جاھان جۇرتىنىڭ نازارى وسى جيىنعا اۋادى. الەمدەگى 193 مەملەكەتتىڭ باسشىسى ۇيىمنىڭ شتاب پاتەرىنە جينالادى. ساراپشىلاردىڭ سوزىنشە، بيىلعى سەسسيانىڭ نەگىزگى تاقىرىبى ۋكرايناداعى قاقتىعىس، كليماتتىڭ وزگەرۋى، كورونوۆيرسپەن كۇرەس، الەمدىك ەكونوميكانىڭ رەتسەسياسى، ينفلياتسيا، تاۋار جەتكىزۋ تىزبەگىنىڭ بۇزىلۋى سياقتى وزەكتى ماسەلەلەرگە ارنالادى.

20- قىركۇيەكتە جالپى دەبات اپتالىعى باستالادى. دەگەنمەن، دەبات اپتالىعى قالاي وتەتىنى بەلگىسىز. ويتكەنى ونىڭ جۇمىسىنا ەليزاۆەتا Ⅱ پاتشايىمىنىڭ قازاسى اسەر ەتۋى مۇمكىن. ويتكەنى ءدال سول اپتاعا جەرلەۋى جوسپارلانعان. باتىس ەلدەرىنىڭ ءبىرقاتار باسشىلارى ۇلى بريتانيا پاتشايىمىن اقتىق ساپارعا شىعارىپ سالۋعا بارۋى مۇمكىن.

سونىمەن بيىل پاندەميانىڭ بەتى قايتىپ، كوپتەگەن شەكتەۋلەر الىنىپ تاستالدى. سوندىقتان مەملەكەت باسشىلارى تريبۋنادا تۇرىپ بايانداما جاسايدى. ءبىراق زالداعى دەلەگاتسيا سانى ازايتىلدى. ب ۇ ۇ باس اسسامبلەياسىنىڭ ءتوراعاسى بولىپ، ماجار ديپلوماتى سايلاندى.

چابا كەرەشي، ب ۇ ۇ باس اسسامبلەياسىنىڭ ءتوراعاسى:

- بۇگىنگى قاقتىعىستار ەكىنشى دۇنيەجۇزىلىك سوعىستان كەيىن بولماعان گۋمانيتارلىق قيىندىقتارعا اكەپ، ءبىزدى سىناپ جاتىر. ۋكراينا قاقتىعىسى بارلىعىمىز ءۇشىن سىن ساعاتى بولىپ تۇر.

انتونيۋ گۋتەرريش، ب ۇ ۇ باس حاتشىسى:

- كليماتتىڭ وزگەرۋىنە بايلانىستى تابيعي اپاتتار سوڭعى 50 جىلدا 5 ەسە كوبەيگەن. بۇل ادامزات بالاسىنىڭ قازبا بايلىقتارعا تاۋەلدى بولعاننىڭ سالدارى.

جالپى سەسسيانىڭ اياسىندا مەملەكەت باسشىلارىنا ءوزارا رەسمي جانە بەيرەسمي كەزدەسۋلەر وتكىزۋگە مۇمكىندىك بەرەدى. كەيدە وسىنداي كەزدەسۋدە ۇلكەن كەلىسىمدەرگە كەلەدى. سونىمەن قاتار الەم كوشباسشىلارى ادامزات ءۇشىن اسا ماڭىزدى ماسەلەنى كوتەرىپ، وزدەرى الاڭداتاتىن سۇراقتاردى دا ورتاعا سالادى. بايانداماشىعا جاساۋعا 15 مينۋت بەرىلەدى. ءبىراق 1960 -جىلى فيدەل كاسترو 269 مينۋت مىنبەردەن تۇسپەي بايانداما جاساعان. ايتپاقشى، ب ۇ ۇ سەسسياسىنا قازاقستان پرەزيدەنتى قاسىم- جومارت توقايەۆ قاتىسادى دەپ جوسپارلانعان.

www.24.kz