قازاقستان بيىل 77 ميلليون توننا مۇناي وندىرەدى
«مۇناي جانە گاز كوندەنساتىن ءوندىرۋ كەلەمى 70,8 ميلليون توننانى قۇرادى. بۇل وسى جىلدىڭ جوسپارىنان 102,3 پايىز نەمەسە وتكەن جىلدىڭ سايكەس كەزەڭىمەن سالىستىرعاندا 97,6 پايىز بولىپ وتىر. اعىمداعى جىلى مۇناي سالاسىنداعى كاسىپورىنداردى قولداۋ بويىنشا قابىلدانعان شارالار، سونىمەن قاتار قاشاعاندى ىسكە قوسۋ مۇناي ءوندىرۋدىڭ جىلدىق جوسپارىن 74-تەن 75,5 ميلليون تونناعا دەيىن جەتكىزۋگە مۇمكىندىك بەردى. ءبىراق، وسى جىلدىڭ بولجامى 77 ميلليون تونناعا دەيىن وسەدى دەپ كۇتىلۋدە»، - دەدى مينيستر.
ونىڭ دەرەكتەرىنە سايكەس، 11 ايدا مۇناي وڭدەۋ كولەمى 13,1 ميلليون توننانى قۇرادى. ال جىلدىق جوسپار 14-15 ميلليون توننا بولىپ وتىر.
«اۋىل شارۋاشىلىعى تاۋارلارىن وندىرۋشىلەرگە مىندەتتى جەڭىلدەتىلگەن باعامەن جانارماي جەتكىزۋ تولىقتاي ورىندالدى. اعىمداعى جىلدىڭ 13- جەلتوقسانىنداعى جاعدايعا سايكەس، مۇناي بازالارىنداعى اي-92 جانە 93 بەنزيندەرىنىڭ قورى 103 مىڭ توننادان اسادى. ديزەل وتىنى 155 مىڭ توننانى قۇرايدى. قالعان جانارماي قورى ىشكى سۇرانىستى قامتاماسىز ەتۋگە جەتكىلىكتى كولەمدە بار ءارى جانارماي قۇيۋ ستانسالارىندا تاپشىلىق بايقالمايدى»، - دەدى بوزىمبايەۆ.
اۆتور: مارلان جيەمباي
