جاستار لاگەرىندە 77 ادامدى ولتىرگەن برەيۆيك وسلو ۋنيۆەرسيتەتىنە قابىلداندى

استانا. قازاقپارات - 2011 -جىلى 77 ادامدى ءولتىرىپ، 21 جىلعا سوتتالعان جازاسىن وتەۋشى اندەرس بەرينگ برەيۆيك ساياسي عىلىم كۋرسىنا وسلو ۋنيۆەرسيتەتىنە قابىلداندى.

 ۋنيۆەرسيتەتتىڭ رەكتورى ولە پەتتەر وتتەسەن مالىمدەگەندەي، «نورۆەگيالىق تۇرمەلەردە جازاسىن وتەۋشىلەردىڭ بارلىعى ەگەر تالاپقا سايكەس كەلسە، جوعارى ءبىلىم الۋعا قۇقىعى بار.

برەيۆيكتى ۋنيۆەرسيتەتكە قابىلداۋ تۋرالى بەرگەن ەكى جىل بۇرىنعى ءوتىنىشى بىلىكتىلىگى جەتكىلىكسىز بولۋىنا بايلانىستى كەيىنگە قالدىرىلعان. شەشىمدى قايتا قاراۋ سەبەپتەرى ايتىلمايدى.

بۇدان بۇرىن نورۆەگيادا بىرنەشە اتىشۋلى قىلمىس جاساعان ايىپتىلاردىڭ ءوتىنىشىن قاراۋ كەرەك پە، جوق پا دەگەن تاقىرىپتا پىكىرتالاس وتكەن.

ۋتويا ارالىنداعى جاستار لاگەرىندە قىرعىن ۇيىمداستىرىپ، 21 جىلعا سوتتالعان برەيۆيكتىڭ مەرزىمى ۇزارتىلۋى مۇمكىن.