13:54, 27 - مامىر 2014 | GMT +5
مالايزيادا بوينگ-777 تۋرالى جاڭا مالىمەتتەر جاريالاندى
استانا. قازاقپارات - مالايزيانىڭ ازاماتتىق اۆياتسيا باسقارماسى مەن بريتانيانىڭ Inmarsat كومپانياسى Malaysia Airlines اۋە كومپانياسىنىڭ ناۋرىز ايىندا جوعالعان ۇشاعىنىڭ باعىتى جونىندە سپۋتنيكتىك مالىمەتتەردى جاريالادى.
ولار ىزدەۋ ايماعىن انىقتاۋعا كومەكتەسەدى، دەپ حابارلادى بي- بي- سي.
اقپارات ءىز- ءتۇزسىز جوعالعانداردىڭ تۋىستارىنىڭ ىزدەۋ جۇمىستارىن الدەقايدا اشىق جۇرگىزۋگە شاقىرۋىنان كەيىن جاريا ەتىلدى.
ولار جاڭا مالىمەتتەر تاۋەلسىز ساراپشىلارمەن زەرتتەلەدى دەپ سانايدى.
ەستەرىڭىزگە سالا كەتەيىك، 8 -ناۋرىز كۇنى كۋالا- لۋمپۋردان بەيجىڭگە باعىت العان م ن370 رەيسى رادار ەكراندارىنان جوعالعان بولاتىن. ونىڭ بورتىندا 239 ادام بولعان.
سودان بەرى ىزدەۋ شارالارىنىڭ بارىسىندا ۇشاق سىنىقتارى تابىلمادى.
