12:37, 19 - شىلدە 2014 | GMT +5
مالايزيا بوينگ 777 اپاتىنىڭ سەبەپتەرىن انىقتاۋ ءۇشىن ۋكرايناعا 2 ۇشاق جىبەرەدى
استانا. قازاقپارات - مالايزيا Boeing اپاتىنىڭ سەبەپتەرىن انىقتاۋ ءۇشىن ۋكرايناعا 2 C-130 Hercules اسكەري-كولىك ۇشاعىن جىبەرەدى . بۇل تۋرالى ەلدىڭ قارۋلى كۇشتەرىنىڭ وكىلى، گەنەرال زۋلكەفلي زين مالىمدەدى، دەپ حابارلادى يتار-تاسس.
«قاجەت بولعاندا ءبىز كەز كەلگەن كومەك كورسەتۋگە دايىنبىز»، - دەدى ول.
ءوز كەزەگىندە، مالايزيانىڭ پرەمەر-ءمينيسترى نادجيب تۋن رازاك جولاۋشىلار لاينەرىنىڭ سەبەپتەرىن بولجامايتىنىن، ناقتى دەرەكتەرگە سۇيەنەتىنىن جەتكىزدى.
«بۇل ءىستى ناقتى دالەلدەر مەن فاكتىلەر نەگىزىندە تەرگەۋىمىز قاجەت»، - دەگەن پرەمەردىڭ ءسوزىن جەرگىلىكتى ب ا ق كەلتىردى.
ايتا كەتەيىك، «امستەردام -كۋالا-لۋمپۋر» باعىتىندا ۇشقان Boeing 777 بەيسەنبى كۇنى كەشكە دونەتسك وبلىسىندا اپاتقا ۇشىرادى. ۇشاق بورتىندا بولعان 298 ادامنىڭ بارلىعى قازا تاپتى.
