تۇركياداعى ءزىلزالا: 77 جاستاعى ايەل ءۇيىندى استىنان 212 ساعات وتكەن سوڭ قۇتقارىلدى
باسىلىم مالىمەتىنشە، فاتما گيۋنگەر پروۆينسيا استاناسىندا قۇلاعان عيماراتتىڭ قيراندىلارىنان قۇتقارىلعان. ايەل اۋرۋحاناعا جاتقىزىلدى. ونىڭ تۋىستارى قۇتقارۋشىلارعا شىن جۇرەكتەن العىسىن بىلدىرگەن.
ايتا كەتەيىك، تۇركياداعى جەر سىلكىنىسىنەن زارداپ شەككەندەرگە قالاي كومەك كورسەتۋگە بولاتىنى تۋرالى مىنا جاقتان بىلە الاسىزدار.
ەسكە سالايىق، بۇعان دەيىن 6-اقپاندا تۇركيانىڭ ورتالىعى مەن وڭتۇستىك- شىعىسىندا، سيريامەن شەكارالاس جەردە جويقىن جەر سىلكىنىسى بولعانى حابارلانعان بولاتىن. ا ق ش گەولوگيالىق قىزمەتى مالىمەتىنشە، 7,8 بالدىق جەر سىلكىنىسى جەرگىلىكتى ۋاقىت بويىنشا ساعات 04:17 دە گازيانتەپ ماڭىندا 17,9 شاقىرىم تەرەڭدىكتە تىركەلگەن. كەيىنگى دەرەكتەر بويىنشا، وقيعا سالدارىنان ەكى ەلدە 40 مىڭنان اسا ادام قازا تاپتى. سونداي-اق، تۇركيانىڭ ءار جەرىندە تۇرعىن ۇيلەر مەن تاريحي گازيانتەپ بەكىنىسى قيرادى. ال يتاليادا تۇركياداعى جەر سىلكىنىسىنەن كەيىن سۋنامي قاۋپى ەسكەرتىلدى.
ءزىلزالادان كەيىن تۇركيا تۇرعىندارى باسىلىمعا جەر سىلكىنىسى تۋرالى ايتىپ بەردى. سونىمەن قاتار، جەلىدە جەر سىلكىنىسىنىڭ سۋرەتتەرى جاريالاندى. ءتىپتى كوپقاباتتى عيمارات قيراعان ءسات ۆيدەوعا ءتۇسىپ قالعان. وسى وقيعالاردان سوڭ تۇركيادا جەتى كۇندىك ازا تۇتۋ جاريالاندى.
پرەزيدەنت قاسىم-جومارت توقايەۆ ۇكىمەتكە تۇركياداعى اپاتقا قاتىستى شۇعىل كومەك كورسەتۋدى تاپسىردى. كەيىنىرەك مەملەكەت باسشىسى تۇركيا پرەزيدەنتى رەجەپ تايىپ ەردوعانمەن تەلەفون ارقىلى سويلەسىپ، قازاقستاننان قۇتقارۋشىلار مەن دارىگەرلەر باراتىنىن مالىمدەدى.
وسىلايشا، قازاقستاندىق ت ج م قۇتقارۋشىلارى تۇركياعا اتتاندى. ت ج م وكىلدەرى تۇركيادا قۇتقارۋ جۇمىستارى قالاي جۇرگىزىلەتىنىن ايتتى. 8-اقپاندا پرەزيدەنت قاسىم-جومارت توقايەۆ تۇركيا رەسپۋبليكاسىنا شۇعىل كومەك رەتىندە 1 ميلليون دوللار ءبولۋدى تاپسىردى.
سونىمەن قاتار، ول قازاقستانداعى تۇركيا ەلشىلىگىنە بارىپ، كوڭىل ايتتى. تانىمال ءانشى ديماش قۇدايبەرگەن دە كونسەرتىنەن تۇسكەن قارجىنىڭ ءبىر بولىگىن تۇركيا مەن سيرياعا بولەتىنىن جەتكىزدى. ال جۋرناليست نۇربەك بەكباۋ تۇركياداعى جەر سىلكىنىسىنەن زارداپ شەككەندەرگە 100 كيىز ءۇي جىبەرۋدى ۇسىندى.
