ماڭعىستاۋدا مەكتەپ ەسەپشىسى 76 ميلليون تەڭگە بيۋدجەت قاراجاتىن جىمقىرعانى ءۇشىن سوتتالدى

استانا. قازاقپارات - ماڭعىستاۋ وبلىسىندا پروكۋرورلار وبلىس ورتالىعىنىڭ جالپى ءبىلىم بەرەتىن مەكتەپتەرىنىڭ بىرىندە ەسەپشى 76 ميلليون تەڭگەدەن استام بيۋدجەت قاراجاتىن جىمقىرعانىن انىقتادى، دەپ حابارلايدى قازاقپارات.
None

شتاتتىق كەستە مەن بانكتىك شوتتاردى سالىستىرۋ بارىسىندا 3 جىل بويى وزىنە ارتىق سومانى ەسەپتەگەن مەكتەپتىڭ باس بۋحگالتەرىنىڭ ءتيىستى جانە ءىس- جۇزىندە تولەنگەن جالاقىسىنىڭ اراسىنداعى ايىرماشىلىق انىقتالدى.

اتالعان فاكتى بويىنشا پروكۋرورلار قىلمىستىق ءىس قوزعاپ، تەرگەۋ ە ت د- نە تاپسىرىلدى.

تەرگەۋ بارىسىندا اتالعان مەكتەپتىڭ ەسەپشىسى كىناسىن تولىقتاي مويىندادى.

سوت ۇكىمىمەن كىنالى ادام قازاقستان رەسپۋبليكاسى قىلمىستىق كودەكسىنىڭ 189-بابىنىڭ 4-بولىگى (سەنىپ تاپسىرىلعان مۇلىكتى يەمدەنۋ جانە ىسىراپ ەتۋ) بويىنشا 5 جىل مەرزىمگە ماتەريالدىق- جاۋاپتى لاۋازىمداردى اتقارۋ قۇقىعىنان ايىرا وتىرىپ، 7 جىلعا باس بوستاندىعىنان ايىرىلدى.

سوڭعى جاڭالىقتار