ا ق ش - تا 76 ادام اپتاپ ىستىقتىڭ قۇربانى بولدى
باسىلىمنىڭ مالىمەتىنشە، تەك ورەگون شتاتىندا دەنەنىڭ قىزىپ كەتۋ سالدارىنان 63 ادام قايتىس بولدى.
«بۇل ناعىز دەنساۋلىق داعدارىسىنا اينالدى. قالىپتان تىس ىستىقتىڭ ولىمگە اپارىپ سوعاتىنىن كورسەتتى»، - دەيدى مالتنوما وكرۋگىنىڭ (ورەگون) دەنساۋلىق ساقتاۋ دەپارتامەنتىنىڭ وكىلى دوكتور دجەننيفەر ۆاينس.
«ءبىزدىڭ جاقتا جاز بۇدان دا قاتتى ىسيدى، سوندىقتان بۇل جاعداي ءالى دە قايتالانادى دەپ ويلايمىن».
پورتلەندتا جانە شتاتتىڭ باسقا دا قالالارىندا وسى اپتادا تەمپەراتۋرا 46 گرادۋسقا دەيىن كوتەرىلدى.
كورشىلەس ۆاشينگتون شتاتىندا ءسال سالقىنداۋ بولدى، وندا ىستىق سالدارىنان بولعان 13 ءولىم راستالدى. كوز جۇمعاندار 44 تەن 97 جاسقا ارالىعىندا.
ولاردىڭ ءولىمىنىڭ سەبەبى گيپەرتەرميا - دەنەنىڭ ىستىقتى جەڭە المايتىنداي قىزىپ كەتۋى.
ۆاشينگتوننىڭ مەديتسينا باسقارماسى اپتاپ سالدارىنان ءوزىن ناشار سەزىنگەن 1648 ادامعا شۇعىل بارعاندارى تۋرالى حابارلادى.
358 جاعدايدا ادامدار ستاتسيونارلىق ەمدەلۋگە جىبەرىلدى. اقش ۇلتتىق مەتەورولوگيالىق قىزمەتىنىڭ بولجامىنا سايكەس، ەلدىڭ باتىس جاعالاۋىنداعى قالىپتان تىس ىستىق تاعى بىرنەشە كۇنگە سوزىلادى.
