جۇمىس كۇشى تاپشى وڭىرلەرگە قونىس اۋدارعان جاستاردىڭ 76 پايىزى جۇمىسقا تۇردى

جۇمىسپەن قامتۋ جانە حالىقتى الەۋمەتتىك قورعاۋ مينيسترلىگىنىڭ وكىلدەرى قازاقپارات ساۋالىنا وسىنداي جاۋاپ بەردى.

«جەرگىلىكتى اتقارۋشى ورگانداردىڭ دەرەكتەرىنە سايكەس 2017 -جىلدان بەرى قونىس اۋدارعان 26,6 مىڭ ادامنان 515 ادام ءوزىنىڭ بۇرىنعى ايماعىنا قايتا كوشىپ كەتكەن. ال تۇراقتاپ قالعان ازاماتتاردىڭ قاتارىنان 14,1 مىڭ ەڭبەككە قابىلەتتى جاستاعى ازاماتتار بولسا، 11,8 مىڭى 18 جاسقا دەيىنگى بالالار، 686 ادام زەينەتكەر بولىپ كەلەدى»، - دەيدى مينيسترلىك ماماندارى.

ۆەدومستۆونىڭ جاۋابىندا اتالعان 14,1 مىڭ ەڭبەككە جارامدى ادامنىڭ 10,4 مىڭى جۇمىسقا ورنالاستىرىلعانى ايتىلادى. سونداي- اق، جەكە ءىسىن دامىتۋعا قولداۋ كورسەتۋ ءۇشىن 89 ادامعا ميكروكرەديت بەرىلسە، 173 ادام مەملەكەتتىك گرانت يەگەرى اتانىپتى. بۇل ەڭبەككە قابىلەتتى جاستاعى ازاماتتاردىڭ %76 ى دەگەن ءسوز.

«جۇمىسقا ورنالاستىرىلماعان قونىس اۋدارۋشىلاردىڭ 4 مىڭى 3 جاسقا دەيىنگى بالا كۇتىمىنە بايلانىستى دەمالىستاعى انالار، قالعاندارى مۇگەدەك ادامدار، ءۇي شارۋاسىنداعى ايەلدەر جانە باسقالار بار» - دەلىنگەن جاۋاپتا.