قازاقستان الما ەكسپورتى بويىنشا الەمدە 76-ورىندا
بۇل تۋرالى World's Top Exports مالىمەتتەرىنە سىلتەمە جاساپ «حابار 24» تەلەارناسى حابارلاۋدا.
اتاپ وتىلگەندەي، جىل سايىن الەمدىك نارىققا جەتكىزىلەتىن الما كولەمى ورتاشا ەسەپپەن 1,6 پايىزعا ارتىپ كەلەدى.
World's Top Exports دەرەگى بويىنشا، 2017-جىلى ەكسپورتتىڭ 40 پايىزى ەۋروپا ەلدەرىنە تيەسىلى بولعان، 25 پايىز - ازيالىق ەكسپورتشىلار، 13 پايىزدان استامىن - سولتۇستىك امەريكا، 10 پايىز لاتىن امەريكاسى جەتكىزگەن. ەكسپورت بويىنشا قىتاي كوش باستاپ تۇر. اسپان استى ەلى بىلتىر 1,5 ميلليارد دوللارعا الما ساتقان. ا ق ش پەن يتاليا 900 ميلليون دوللار پايدا تۇسىرگەن. العاشقى بەستىكتى فرانسيا مەن چيلي تۇيىقتاپ وتىر.
ال ت م د ەلدەرى اراسىندا ەڭ ۇزدىك كورسەتكىش ازەربايجانعا تيەسىلى. بۇل مەملەكەت الەمدىك نارىققا 29 ميلليون دوللاردىڭ ءونىمىن جەتكىزگەن. بۇل تىزىمدە بەلارۋس، ۋكراينا، رەسەي جانە وزبەكستان الدىڭعى ورىنداردى يەلەنسە، قىرعىزستان الما ساۋداسى بويىنشا 52-ورىندا تۇر. ەلىمىز بۇل تىزىمدە 76-ورىنعا جايعاسقان. قازاقستاندىق المالار الەمدىك ەكسپورتتىڭ مىڭنان ءبىر ۇلەسىن عانا قامتىپ وتىر.
الما وسىرۋمەن الماتى، جامبىل جانە تۇركىستان وبلىستارىنداعى 200 كاسىپورىن اينالىسۋدا. الايدا، ونەركاسىپتىك كولەمدەرگە شىققان ءىرى كومپانيالار سانى 10 نان اسپاي وتىر. سالاداعى تۇيىتكىلدەر - ءوندىرىستىڭ تومەن تەحنيكالىق جاراقتاندىرىلۋى، قايتا وڭدەۋ سەكتورىنىڭ دامىتىلماۋى جانە ءونىمدى ساقتاۋ قۋاتتارىنىڭ تاپشىلىعى. جەرگىلىكتى نارىقتا وتاندىق وندىرۋشىلەر يمپورتقا قارسى تەك كۇزدە جانە قىستا قارسى تۇرا الادى. ال ودان ءارى تاۋاردى ساقتايتىن جەرلەرى جوق. قازاقستاندىق المالاردىڭ شاعىن كولەمى رەسەي مەن قىتايعا جىبەرىلەدى. ونىمگە دەگەن سۇرانىس بار. دەگەنمەن، ازىرگە وتاندىق وندىرۋشىلەر ىشكى نارىقتىڭ 50 پايىز عانا قامتاماسىز ەتىپ وتىر. شەتەلدەن جىل سايىن 150 مىڭ توننا الما جەتكىزىلەدى. مامانداردىڭ ايتۋىنشا، بۇل سالادا جوعارى بىلىكتى كادرلار دا تاپشى.
بۇعان قاتىستى كاسىپكەرلەر مەن قوعام بەلسەندىلەرى ءوز پىكىرلەرىن بىلدىرۋدە.
«بۇگىنگى تاڭدا قازاقستاندا وسىمدىك شارۋاشىلىعى بويىنشا ماگيسترلار جوق. ءبىزدىڭ كادرلار الما ءوندىرىسى مەن ەكسپورتى بويىنشا الەمدىك كوشباسشىلار سانالاتىن ا ق ش، يتاليا، گەرمانيا جانە جاپونيادان قالىپ وتىر. مەملەكەت قابىلەتتى ستۋدەنتتەردى وسى ەلدەرگە ماگيستراتۋراعا وقۋعا جىبەرۋى كەرەك. ال بيزنەس تۇلەكتەردىڭ جۇمىسقا قابىلدايتىنىنا جانە لايىقتى جالاقى بەرىلەتىنىنە كەپىلدىك بەرۋى ءتيىس»، - دەيدى «قازاقستان-2050» جالپى ۇلتتىق قوزعالىسى كەڭەسىنىڭ ءتوراعاسى مۇحتار مانكەيەۆ.