قوستاناي وبلىسىندا زىمىران قالدىقتارىن قۇلاتۋعا 76 مىڭ گەكتار جەر بەرىلدى
جانكەلدين اۋدانى اۋماعىنان زىمىران قالدىقتارىن قۇلاتۋ ءۇشىن 76 مىڭ گەكتار جەر 3 جىلعا بەرىلەتىن بولىپ شەشىلدى. بۇل تۋرالى وبلىسى اكىمى ارحيمەد مۇحامبەتوۆتىڭ قاتىسۋىمەن وتكەن جيىندا ءمالىم ەتىلدى.
باسقوسۋدا پوليار ماڭىنداعى وربيتاعا عارىش اپپاراتتارىن شىعارۋ كەزىندە «بايقوڭىر» عارىش ايلاعىنان «سويۋز-2» عارىشتىق ماقساتتاعى زىمىراندى ۇشىرۋدىڭ ق ر قورشاعان ورتاسىنا اسەرى تۋرالى ءسوز قوزعالدى. ماجىلىسكە قورعانىس جانە ايروعارىش ونەركاسىبى ءمينيسترى بەيبىت اتامقۇلوۆ پەن عارىشكەر ايدىن ايىمبەتوۆ قاتىستى. ەسكە سالساق، وسىدان بىرنەشە اپتا بۇرىن جانكەلدين اۋدانى تۇرعىندارى ق ر پرەمەر- ءمينيسترى باقىتجان ساعىنتايەۆتىڭ اتىنا نارازىلىق حات جازعان- دى.
«بايتەرەك» بىرلەسكەن كاسىپورنىنىڭ اتقارۋشى ديرەكتورى ەردەن يبرايەۆ دەگەن ازامات رەسەيدىڭ «روس كوسموسىنان» ءبىر ورىستى الىپ كەلىپ، ءبىزدىڭ اۋدان ورتالىعى تورعايدان 20 شاقىرىم جەردەگى ءشوپتىكول قونىس ورنىن «سويۋز-2» راكەتاسىنىڭ ءبىرىنشى ساتىسىنىڭ قالدىقتارىن تاستايتىن الاڭ رەتىندە پايدالانۋعا، پوليگون ەتۋگە جەر سۇراۋدا. ونىڭ سىرتىندا ولار تاعى دا 100 گەكتار جەر الماقشى دەگەندى ەستىپ جاتىرمىز. بۇلار كوپتەن بەرى وسى ءبىزدىڭ تورعايدان 40600 گەكتار جەردى وسىنداي پوليگونعا العان. سول جەرگە راكەتا قالدىقتارىن تاستاپ جاتىر. ول جەر تورعايدان 80 شاقىرىمداي جەر. وعان دا قارسى بولعانبىز. ءبىراق تورعاي حالقىمەن ەشكىم ساناسپادى» - دەلىنگەن نارازىلىق حاتتا.
بۇگىنگى جيىننىڭ قورىتىندىسى بويىنشا، جانكەلدين اۋدانىنا قاراستى ءشوپتىكول مەكەنىنەن رەسەيدىڭ زىمىران قالدىقتارىن قۇلاتۋعا جەر بەرىلدى. قالدىقتار بەلگىلەنگەن جىلدار ىشىندە 8 رەت قۇلايدى. سونداي- اق، اۋدان بيۋدجەتىنە جىل سايىن 151 ميلليون تەڭگە قارجى اۋدارىلادى. ال ىرگەسىنە قالدىق تاستالاتىن اقكول مەن قاراسۋ اۋىلدارىنا جەدەل جاردەم كولىكتەرى ءبولىنىپ، اۋىزسۋ تارتىلادى. تاياۋ كەلەشەكتە سول جەردەگى كوپىردى جوندەۋگە دە ۋادە بەرىلىپ وتىر.
اۆتور: باتىر جولاي ۇلى
